34
Israel Tuukhal Pawl
1 Bawipa in ka hnenah,
2 “Milaipa, Israel uktu pawl an òhat lo zia hi sim aw. Profet òong in simsuak awla Cungnungbik Bawipa keimah in an hnenih ka òongmi hi sim aw: Nannih Israel tuukhal pawl, nan cem a si! Nanmah le nanmah cu nan kilkhawi aw zet nain nan tuu pawl cu nan kilkhawi dah lo.
3 Tuuhnawi nan in, tuuhmul hnipuan nan hruk, tuu òha bik pawl nan that ih nan ei. Sikhalsehla tuu cu nan kilkhawi dah lo.
4 Tuu òawnòai pawl òha tein nan zoh lo, a na mi pawl nan tuamhlawm lo, tuahmawhnak a tongmi pawl an hma nan tuam sak lo, a hlo ih a tawivakmi pawl hawl in nan hruaikir lo, asilole a hlomi pawl nan hawl duh hrimhrim lo. Nan tisiat sawn a si.
5 Cuih tuu pawl cu khaaltu an neih lo ruangah ramkip ah òhekdarh òheh an si ih sahrang pawl in an deh ih an ei.Ref 34.5 Mat 9:36; Mar 6:34;
6 Curuangah ka tuu pawl cu thlua le tlang lakah an vakvai. Leilungtlun khuazakip ah òhekdarh òheh an si ih zohman in an hawl lo, hruai tumtu khal an um lo.
7 “Tuukhal pawl, Bawipa keimah in nan hnenih ka lo simmi hi ngai hnik uh.
8 A nungmi Pathian ka si ih fiang tein ka lo sim. Ka simmi nan ngai le a òha sawn. Tuukhal an um lo ruangah ka tuu pawl cu sahrang in an nam, an deh ih an ei a si. Ka tuukhal pawl in tuu cu a hawl an tum lo. Tuu pawl si lo in anmah sawn an kilkhawi aw.
9 Curuangah tuukhal pawl, ka simmi hi ngai hnik uh.
10 Cungnungbik Bawipa keimah in ka run phuang: Keimah hi nan ral ka si. Ka tuu pawl cu nan hnen ihsin ka la dingih anmah khaaltu nan sisal nawn lo ding, nanmah le nanmah khal ka lo kilkhawi awter nawn lo ding. Nan hnen ihsin ka tuu pawl cu ka la dingih nan ei nawn lo ding a si.
Tuukhal Òha
11 “Cungnungbik Bawipa keimah in ka lo sim: Keimah rori in ka tuu pawl cu ka hawl dingih ka kilkhawi ding.
12 Tuukhal in a vakvaimi tuu pawl cu a zohòha ih a hruaikhawm bangin ka tuah ve ding. Khawthim le siatralnak ni ih òhekdarh òheh an rak sinak hmunkip ihsin ka hruaikhawm òheh ding.
13 Ramdang dang ihsin ka suahter hai dingih hmunkhat ah finkhawm in anmah ih ram ah ka hruai ding. Israel tlang sang pawl le tiva kapah ka hruai dingih hramhring umnak hmun nuam ah ka cawm hai ding.
14 Israel ramsung tlangpar phuul lakah siseh, tiva kuam ah siseh, phairawn hramhring lakah siseh, hnangam zet in an tlang dingih hrampi an piat huahho ding.
15 Ka tuu pawl khaaltu cu keimah ka si dingih colhnak hmun khal ka hawl sak ding. Cungnungbik Bawipa keimah in ka sim zo.
16 “A hlomi tuu pawl ka hawl ding, a vakvaimi pawl ka hruaikir ding, hma a neimi pawl an hma ka tuamsak dingih a nami pawl ka damter ding; asinain a thaumi le a cakmi pawl cu ka tisiat òheh ding, ziangahtile kei cu a dingmi tuahtu tuukhal ka si.
17 “Cun ka tuurual pawl, Cungnungbik Bawipa keimah in ka lo sim: Pumpak ciar in nan thu ka òhen dingih a òhami le a siami cu ka lo thiadang ding; tuu le me ka òhen ding.
18 Mi òhenkhat cu hrampi òha bik nan ei hi nan lung a kim hrih lo; nan ei lomi tla nan palbeek òheh a si! Tidai fim zet nan in ih nan in lomi tidai cu nan nawiter!
19 Ka tuurual dang pawl cun nan palbeek mi hrampi le nan nawitermi tidai an in a òul a si.
20 “Curuangah Cungnungbik Bawipa keimah in ka lo sim: Nanmah tuu cak le tuu òawnòai karlak ih thuòhentu ka si ding.
21 Tuu cak lo le tuu dam lo pawl kha a kapah nan engpet ih lengah pawt ko in nan khit.
22 Sikhalsehla ka tuu pawl cu ka run dingih nan tisiat nawn lo ding. Ka tuu pawl pakhat hnu pakhat in an thu ka òhen dingih a òha le a sia ka dang ding.
23 Anmah khaaltu dingah i riantu David bangtuk siangpahrang ka pe dingih a kilkhawi hai ding.Ref 34.23 Thup 7:17;
24 Bawipa keimah hi an Pathian ka si dingih anmah uktu siangpahrang cu i riantu David vek a si ding. Keimah in ka sim zo.Ref 34.24 Ezk 37:24;
25 An himnak dingah anmah thawn thukamnak ka tuah ding. Ram sungih òihnungza sahrang pawl hmuahhmuah ka hloter òheh dingih cuticun ka tuu pawl cu hramlak ah thlangam tein an um dingih tupi sungah an bok huahho ding.
26 “Thlua ka suah hai dingih ka tlang thianghlim kiangkap ah an um ding. Cutawkah an òul tikah thluasuah ruah ka surter ding.
27 Thingkung pawl in rah an rah ding, an loram in thlairawl a suah ding; cuticun zokhal anmah ih ram ciar ah hnangam tein an um ding. Ka minung pawl an òemnak thir cikcin cu ka botcat òheh dingih sal ih a tuahtu pawl kutsung ihsin ka luatter tikah Bawipa ka si hi in thei ding.
28 Pathian thei lo miphun pawl in an ram nawm lo dingih sahrang pawl khalin an deh an ei nawn lo ding. Hnangam zet in an um dingih zohman in an òhihòhaih lo ding.
29 Ramòha ka pe dingih an ram sungih paamnak cu ka rehter ding. Miphun dang pawl in an hnihsan nawn lo ding.
30 Israel cu ka hum ih ka minung an si kha mi hmuahhmuah in an thei ding. Cungnungbik Bawipa keimah in ka sim zo.
31 “Nannih ka tuu pawl, ka cawmmi ka tuurual pawl cu ka minung nan si ih Keimah hi nan Pathian ka si,” tiah Cungnungbik Bawipa in a ti.