11
Jerusalem Cu Hnonmi Khuapi A Si
1 Pathian thlarau in i cawi ih Biakinn ih nisuahnak lam kotka ah i ret. Cuih hmunah minung kul hluannga ka hmu ih an ram hotu upa pahnih Azzur ih fapa Jaazaniah le Benaiah ih fapa Pelatiah tla an tel.
2 Cule Pathian in, “Milaipa, hi minung pawl in thu òha lo an tawlrel ih hi khuapi sungah ruahnak òha lo an leenter.
3 Annih in, ‘Tuan ah inn pawl kan sak thei hrih lo ding.e tuan ah inn pawl kan saksal ding ti tla a si thei. Hi khuapi cu rawl suannak beel vek a si ih kannih hi beel sung sa vek kan si,’ an ti.
4 Curuangah milaipa, atu ihsin an òhat lonak sim aw,” tiah i ti.
5 Bawipa ih thlarau cun i run zeel ih Bawipa ih thu cu hitiih sim dingin i fial: “Maw Israel mi pawl, nan òongmi le nan khuakhanmi hmuahhmuah ka thei òheh.
6 Hi khuapi sungah hin mi tam zet nan that ih khuasung lamzin cu miruak in a khat zo a si.
7 “Curuangah Cungnungbik Bawipa keimah in nan hnenah ka lo sim. Nan tivek in hi khuapi cu rawl suannak beel a si ko; asinain beel sung sa teh ziangso a si? Nan thahmi miruak pawl an si lo maw? Curuangah hinah nan um lo ding: Khuapi ihsin ka lo hlonhlo hai ding.
8 Nan òih bikmi cu ralnam a si maw? Nanmah do dingah ralnam thawn ral pawl ka rak hruai ding.
9 Khuapi sungin ka lo dawi dingih ramdangmi pawl ih kut ah ka lo thlenter ding. Thi dingah nan thu ka relcat zo ih,
10 nan ram sungih raldonak ah nan thi ding. Cule mi hmuahhmuah in Bawipa ka si kha in thei ding.
11 Beel in beel sung sa a hum vek cun hi khuapi in a lo hum lo ding. Israel ramsung khuitawkih nan um khalle ka lo hrem thotho ding.
12 Keimah cu Bawipa ka si kha in thei ding; nan kiangkap miphun pawl ih daan nan thlun nain keimah ih daan sawn cu nan balsiat ih ka thupekmi pawl cu nan el a si,” tiah a ti.
13 Profet òong ih thu ka phuan rero lai ah Pelatiah cu a tlu ih a thi. Bokkhup in leilung ah ka bok ih ring zet in, “Maw Cungnungbik Bawipa! Israel ram ih a tangmi hmuahhmuah thah òheh na tum maw si?” tiah ka au.
Saltang Pawl Hnenah Pathian Thukamnak
14 Bawipa in ka hnenah,
15 “Milaipa, Jerusalem khuasung ih a ummi pawl in saltannak ih a ummi nangmah le na unau Israel mi pawl ih thu cu an rel celcel a si. ‘Saltang pawl cu Pathian bia thei dingah an hla tuk. Hiram cu kan ta si dingah Pathian in, in pe zo a si,’ tiah an ti.
16 “Na saltaanpi pawl cu ka òongmi hi sim aw. Lamhlapi miphun lakih um dingah a kuattu le ram dangdang ih a òhekdarhtu cu keimah sokhaw ka si. Sikhalsehla tikcu tawite sung cu an fehnak ram ah anmah hnenah ka um ding.
17 “Curuangah keimah Cungnungbik Bawipa ih ka òongmi hi sim aw. Ka òhekdarhnak ram pawl ihsin ka finkhawmsal dingih Israel ram cu an kut ah ka pesal ding.
18 An kirsal tikah cun thil fihnungza le a borhbah mi milem pawl cu an hlon òheh ding a si.
19 Thinlung le ruahnak thar ka pe ding. Lungto vekih a hakmi an thinlung cu ka hlon hlo dingih thinlung neem ka pe ding.
20 Cuticun ka daan pawl cu an thlun dingih ka thupekmi pawl cu fel zet in an tuah ding. Anmah cu ka minung an si dingih keimah hi an Pathian ka si ding.Ref 11.19, 20 Ezk 36:26-28;
21 Sikhalsehla fihnungza le a borhbah mi milem pawl biak a duhtu pawl cu ka hrem ding. An tuahmi ruangah ka hrem ding,” a ti. Cungnungbik Bawipa in a sim zo.
Pathian Sunlawinak In Jerusalem A Tlansan
22 Cule ramsa nung cherubim pawl cu an zam ih lengke pawl khal an tel ve. Israel Pathian ih umpinak a tle zukzomi cu an tlunah a um.
23 Cule a tle zukzomi cu Jerusalem khualipi ihsin a suak ih nisuahnak lam tlang parah a òhawn.Ref 11.22, 23 Ezk 43:2-5;
24 Cutiih langnak ka hmuhmi ahcun Pathian thlarau in i cawi ih Babilon ram saltang pawl lakah i retsal. Cule langnak cu a hlo ih,
25 Bawipa ih i hmuhmi hmuahhmuah cu saltang pawl hnenah ka sim òheh.