10
Tigris Tivapi Ah Daniel Ih Hmuhmi
1 Sairas in Persia siangpahrang a òuan kum thumnak ah Belteshazzar ti khalih kawhmi Daniel ih hnenah thu pakhat langter a si. Cuih thu cu thudik a si, asinain theih a har ngaingai. A hnenah langnak in simfiang a si.
2 Culai ah zarh thum sung lungngai in ka rak um.
3 Zarh thum a kim hlan cu rawlthaw zianghman ka ei lo, sa khal ka ei lo; sabitti ka in lo ih ka sam khal ka hriat lo.
4 Cuih kum thla khatnak thla, ni kul hluanli ni ah tiva tum zet Tigris Tivapi kapah ka ding.
5 Khua ka hun cuan ih minung bangtuk pakhat, puan hmangfeem hnipuan a hruk ih sui òha bik taikhap a khaptu ka hmu.Ref 10.5 Thup 1:13-15; 19:12;
6 A taksa ruangpi cu lungvar bangin a tleu. A mithmai cu nimthlakau vekin a vang ih a mit tla cu meisa hlio vekin a hlio. A baan le a ke pawl cu hnawtfaimi dar vekin a tleu zukzo ih a aw cu miburpi au thawm bangtuk a si.
7 Cuih langnak a hmutu cu keimah lawng ka si. Ka kiangih a ummi pawl cun zianghman an hmu lo, asinain an òih ngaingai ih an tlan, cule an relh.
8 Keimah lawng ka taang ih cuih mangbangza langnak cu ka zoh rero. Ka tha a cem òheh, ka mithmai tla a dang zet ih zohman in, in theithiam zik lo.
9 A aw ka theih tikah leilung ah ka tlu ih zianghman thei lo in ka bokkhup.
10 Cule kut pakhat in i kai ih ka kut le ka khuk in i vakter. Ka khur rero lai.
11 Vancungmi cun, “Daniel, Pathian ih duhdawtmi na si. Ding awla ka lo sim dingmi hi òha tein ngai aw. Na hnenih thlahmi ka si,” tiah i ti. Cutiih a sim ve tein ka hung ding. Asinan ka khur rero thotho.
12 Cule anih in, “Daniel, òih hlah. Theihthiamnak nei dingah tangdor dingih na ruahcat ni ihsin na thlacam Pathian in a thei. Na thlacamnak lo let dingah ka ra zo.
13 Persia ram kilvengtu bawi vancungmi in ni kul hluankhat sung i kham. Cule vancungmi lakih a tum bik pakhat Mikhael in i ra bawm, ziangahtile Persia ram ahcun keimah lawng tantami ka si.Ref 10.13 Thup 12:7;
14 Hmailam ah na minung pawl parah ziang a thleng ding ti lo theihter dingah ka ra zo a si. Hi langnak cu hmailam thu a si,” a ti.
15 Cutiih a òong tikah cun leilung lawng ka zoh, zianghman òong thei lo in ka um.
16 Cule minung vek a simi vancungmi cun a kut a run dawh ih ka hmur i tham. A hnen ahcun, “Bawipa, hi langnak hin ka tha i cemter òheh ih khur lo in ka um thei lo.
17 A bawipa hmaiih a dingtu sal vek ka si. Na hnenah ziangtinso ka òong thei ding? Thazang zianghman ka nei lo, thaw thawt ding khal ka nei lo,” tiah ka ti.
18 I run thamsal ih cak deuh in ka thei aw.
19 Anih cun ka hnenah, “Pathian in a lo duhdaw a si. Curuangah zianghman phang hlah, zianghman in lo òihter hlah seh,” a ti.
Cutiih i ti tikah cun ka cak deuhdeuh in ka thei aw ih a hnenah, “Bawipa, i sim dingmi cu i sim aw. I cakter deuh zo,” tiah ka ti.
20-21 Anih in, “Ziangruangah na hnenah ka ra, ti hi na thei maw? Thutak Cabu sungih an nganmi na hnenih phuang dingah ka ra. Atu ah Persia ram kilvengtu bawi vancungmi do dingah ka kirsal ding. Cuih hnuah Grik ram kilvengtu bawi vancungmi a lang ding. Israel ram kilvengtu bawi vancungmi Mikhael siar lo i bawmtu zohman an um lo.