13
Duhdawtnak
1 Milai òong a phunphun le vancungmi òong khal thiam hman ningla duhdawtnak ka neih lo ahcun ka òong cu a ring meenmi darkhuang le a awn rurimi darsumsel bangtuk a si.
2 Profet thusim thiamnak laksawng siseh, fimthiamnak a phunphun le thuthuk a phunphun theih theinak khal siseh, tlang òhawn thei zumnak tiang khal nei hman ningla duhdawtnak ka neih lo ahcun zianghman ka si lo.Ref 13.2 Mat 17:20, 21:21; Mar 11:23;
3 Ka neih hmuahhmuah mi pe òheh in ka ruangpi hi meisa ih ur dingah pe hman ningla duhdawtnak ka neih lo ahcun ka hrangah zianghman a òhahnem lo.
4 Duhdawtnak cu a thin a sau ih mi zangfah a thiam; duhdawtnak cu mi a iksik lo, tluang a khawng lo ih a puarthau fawn lo.
5 Duhdawtnak cu nun hel-hlong in a nung lo, amah ih zawn lawng a ruat lo, a thin a tawi lo, cule tisual mi parah thinciin a nei lo.
6 Duhdawtnak cu thil òha lo parah a lung a awi lo, asinain thutak parah a lung a awi.
7 Duhdawtnak cu a bei a dong dah lo; ziangkim a zum, ziangkim a beisei ih ziangkim a tuar thei.
8 Duhdawtnak cu cem ni a nei lo. Sikhalsehla profet thusim thiamnak pawl cu a reh ding; theih lo òong ih òong theinak khal a cem ding. Thiamnak le theihnak tla an hloral ding.
9 Ziangahtile thiamnak laksawng kan ngahmi le profet thusim thiamnak kan comi pawl hi a òhen a hrekte lawng an si.
10 Sikhalsehla a famkimmi a ra thlen tikah cun a famkim lomi pawl cu an hlo òheh ding.
11 Nauhak ka rak si lai ahcun ka òongdan, ka thil hmuhdan le ka thuruahdan cu an nauhak ngaingai. Asinan atu ahcun ka upa thlang ih nauhak daan cu ka thlun duh nawn lo.
12 Atu ih thil kan hmuhdan cu thlalang sungah fiang lem lo ih a thlam kan hmuh vek khi a si; sikhalsehla cutikah cun hmaiton tein kan hmu ding. Atu ih thil ka theihmi cu a kim lo; asinain cutikah cun kim zet in ka thei ding. Pathian ih i theihnak a kim zet bangin ka theihnak khal a kim zet ve leh ding.
13 Atu ahcun a hmun ringringmi thil pathum an um ih zumnak, ruahsannak le duhdawtnak an si; himi lakah a tum bikmi cu duhdawtnak a si.