12
Thlarau Laksawng
1 U le nau tla, Thlarau Thianghlim ih pekmi laksawng thu thawn peh aw in ca nan rak nganmi ih thuhla ah thudik nan theih dingah ka lo duhsakmi a um.
2 Khawvelmi nan rak si lai ahcun zinpeng nan zawh ih nunnak nei lo milem pawl nan rak biak.
3 Asinan Pathian Thlarau ih hruaimi pawl cun, “Jesuh cu siatserh si ko seh,” an ti thei lo dingih Thlarau Thianghlim ih hruaimi pawl lawng in, “Jesuh cu Bawi a si,” an ti thei ding.
4 Thlarau laksawng cu a phunphun a um, asinain cuih laksawng pawl hmuahhmuah a petu cu Thlarau Amah lawng a si.Ref 12.4-11 Rom 12:6-8;
5 Bawipa ih hnaòuan hi a phunphun a um, asinain kan renmi Bawipa cu Amah pakhat lawng a si.
6 Hnaòuan theinak hi a phunphun a um, asinain cuih hnaòuan theinak cu zozo hnen khalah an tawkzawn ciar in a petu cu Pathian Amah thotho a si.
7 Kan hnenih Thlarau a um kha phunkhat khat in a lang ih cumi cu misenpi òhathnemnak hrangah a si.
8 Thlarau in mi pakhat cu fimnak thawn simthiamnak a pek ih a dang pakhat cu cuih Thlarau in theihnak thu simfiang thiamnak a pek.
9 Cuih Thlarau thotho in mi pakhat cu rinnak a pek ih midang pakhat cu mina damter theinak a pek.
10 Thlarau in mi pakhat hnenah mangbangza tuah theinak a pek ih a dang hnenah profet bangin thusim thiamnak a pek; a dang pakhat hnenah Thlarau laksawng thleidan thiamnak a pek. Cuvek thotho in mi pakhat hnenah theih lo òong ih òong theinak a pek ih midang hnenah cutiih an òongmi simfiang theinak a pek.
11 Hi hmuahhmuah a petu cu Thlarau pakhat lawng a si; Amah ih duh vekin laksawng dangdang kha pumpak hnenah a pek fingfing.
Ruangpum Pakhat, Taksa Òhen Tampi
12 Khrih cu taksa ruangpum bangtuk a si. Taksa ruangpum cu pakhat asinain taksa òhen cu tampi an si.Ref 12.12 Rom 12:4-5;
13 Cubangtuk in kannih khal hi Judah mi le Zentail mi, miluat le sal tiin um hman nungla kan zate hin cuih ruangpum pakhat sungah cun Thlarau pakhat ih baptisma lami kan si ih kan zate hin cuih Thlarau pakhat cu intlang dingah tuahmi kan si.
14 Ruangpum hi taksa òhen pakhat lawng a si lo, taksa òhen tampi a si.
15 Ke in, “Kei cu kut ka si lo hrangah ruangpum ih ta ka si lo,” tibang sehla, cutiih a ti ruangah taksa òhen a si lo ngaingai ding maw?
16 Cule hna in, “Kei cu mit ka si lo hrangah ruangpum ih ta ka si lo,” ti sehla, cutiih a ti ruangah taksa òhen si lo in a um ngaingai ding maw?
17 Ruangpum hi mit va si thluh bangsehla ziangtinso thu a theih ding? Cule hna lawng sibang sehla ziangin so rim a hnim ding?
18 Sikhalsehla atu ih thil umdan vek hin, Pathian in taksa òhen dangdang cu an umnak ding hmun ciar ah Amah ih duh vekin a ret a si.
19 Ruangpum hi taksa òhen pakhat lawng sisehla ruangpi a si lo ding!
20 Asinan atu ih thil umdan ahcun taksa òhen tampi an um nain ruangpum cu pakhat lawng a si.
21 Curuangah mit in, “Nang cu ka lo òul lo,” tiah kut kha a ti thei lo ding. Cule lu in ke khal kha, “Ka lo òul lo,” tiah a ti thei ve lo ding.
22 Thungai ti ahcun kan ruangpum ih taksa òhen òawnòai bik hman um lo in kan cang thei hrimhrim lo a si.
23 A thupi lem lo kan timi taksa òhen kha ralring deuh in kan tuamhlawm ih kan ruangpi parih a mawi lem lomi taksa òhen kha òha deuh in kan thuam òheu a si.
24 Kan taksa parih zoh a mawi deuhmi cu thom rero a òul lo. Cawimawinak a sam bikmi taksa òhen in cawimawinak a ngah cuangnak dingah Pathian in kan ruangpum cu a remkhawm a si.
25 Cuticun ruangpum parah òhenòhek awknak zianghman a um lo; taksa òhen pakhat le pakhat parah zawnruahnak an nei sawn a si.
26 Taksa òhen pakhat a tuar ahcun taksa òhen dang khalin an tuarpi ve. Taksa òhen pakhat sunloihnak a ngah ahcun a dang tla in an lungawipi ve a si.
27 Nan zate in Khrih ih ruangpi nan si ih pumpak ciarin a taksa òhen nan si fingfing.
28 Cuhrangah Pathian in kawhhran sungah minung cu an sinak ding hmun ciar ah a ret: A hmaisabik ah a tirhthlah pawl a ret; a pahnihnak ah profet pawl, a pathumnak ah zirhtu pawl, cule mangbangza tuahtu pawl, a sangtuah damter theinak pek a simi pawl, asilole midang bom theinak pek a simi pawl, asilole mi hoha thiamnak pek a simi pawl, asilole theih lo òong in òong theinak pek a simi pawl an si.Ref 12.28 Efe 4:11;
29 An zate in tirhthlah an si òheh lo, profet khal an si òheh lo, zirhtu khal an si òheh lo. Mangbangza tuahtu an si òheh lo,
30 natnak damtertu khal an si òheh lo; theih lo òong ih òongtu khal an si òheh lo ih cutiih òongmi a lettu khal an si òheh lo.
31 Cuti a si ruangah a thupi deuhmi laksawng pawl kha ngah tum sawn uh.
Cule hi pawl hnakih a òha bik miangmo ka lo hmuh ding.