27
Rom Ah Paul A Feh
1 Italy ah lawng ih feh dingin thu relcat a si tikah Paul le thawngtla dang pawl cu Rom ralkap “Siangpahrang Ralkap Burpi,” timi a hotu ralbawi Julius kut ah an pek.
2 Asia ram tangphawlawng colhnak hmun pawl a pal phah vivo dingmi Adramittium khua ihsin a rami tangphawlawng to in kan feh. Masidonia ram Thesalonika khuami Aristarkas khal kan hnenah a tel ve.
3 A thai sun ah Sidon kan thleng. Julius cu Paul parah zangfahnak thinlung a nei ih Paul cu a òulmi thilri pawl a ngah theinak dingah a rualpi pawl va leen le va ton theinak tikcu tla a pek.
4 Cutawk ihsin kan feh ih thli kanmah lam lawnglawng ih a hran ruangah Saipras tikulh thli-upnak lam in kan feh.
5 Tifinriat kha Silisia le Pamfilia zawn ihsin kan tan ih Lisia ram Mira khua kan thleng.
6 Cutawkah ralbawipa cun Alexandria ihsin Italy ih a feh dingmi tangphawlawng a hmu ih cuih tangphawlawng ahcun in fehter.
7 Nuamtete in kan feh ih ni tampi kan rei hnuah a netnak ah har zet in Snidas khua zawn kan thleng. Cutawklam zawh ih feh ding thli in, in kham ruangah Krete tikulh leilung phen thli-upnak lam ihsin kan feh ih Salmon ram for-hlei kiang ihsin kan lan.
8 Tifinriat kap naih in kan feh vivo ih har zet in Himnak Lawngcolh Hmun an timi kan thleng. Cumi cu La sia khua ihsin a hlat lo.
9 Cutawkah cun reipi kan cawl ih Sualtlennak Nix 27:9 Sualtlennak Ni timi hi Day of Atonement September thla cem lam asilole October thla thok pek hrawngih tuah òheumi puai a si ih cuih caan ahcun thli a tam ruangah lawng ih feh cu òihnung a si. a luan zo ih tangphawlawng in khualtlawn cu òihnung a si thlang. Curuangah Paul in hitiin an hnenah ruahnak a pek:
10 “U le nau pawl, hitawk ihsin kan lamzin cu òihnungza a si ding. Nan phurhmi thilri le tangphawlawng hi siatralnak a tong dingih kan nunnak khal a cemral ding a si,” tiah a ti.
11 Sikhalsehla Paul ih simmi hnakin tangphawlawng neitupa ih simmi sawn kha ralbawipa ih thinlung sungah a lut.
12 Cuih an tangphawlawng colhnak cu thlatang tikcu ahcun umnak a òhat lo ruangah mi tam sawn cun a cang thei a si ahcun Finiks thleng feh lawlaw ih cutawkih thlatang sung um kha an duh. Finiks cu Krete tikulh ih tangphawlawng colhnak a si ih thlanglam nitlaknak lam le saklam nitlaknak lam hoi in a um.
Thlipi A Hrang
13 Thlanglam ihsin simthli neemte a hung hrang ih an tumtah vekih feh thei dingin an ruat. Curuangah tangphawlawng hrennak thirkawn kha ti sungin an hnuk ih Krete tikap naih vivo in kan feh.
14 Asinan rei lo teah, “Nisuah Saklam Zothlipi,” cak zet in Krete lam ihsin a rung hrang.
15 Kan tangphawlawng cu a run deen ih cuih thli cu kan pah thei nawn lo ruangah beidong in kan um ih kan tangphawlawng cu thli in a duhnak poh ah a fehpi vivo.
16 Kauda tikulh ih thlanglam kan thlen tikah cun thli in phen deuh ruangah a zia a um deuh. Cutawkah cun harsa zet in tangphawlawng ih a kenmi vokkuanglawng cu rem deuhin kan ret.
17 Tangphawlawng parah vokkuanglawng cu an vun hnuk ih hri in tangphawlawng ahcun fektein an òem cih. Libia ram tikap kiangih ti sungih vunnel tlangtluan pah ding an phan ruangah tangphawlawng cu a puanzar an òhum ih thli in a duhduhnak ah hran ko seh tiah an ti.
18 Thlipi a hrang thotho ih a thai sun ahcun tangphawlawng ih phurhmi thilri hrekkhat cu ti sungah an hlon.
19 A tipsun ah tangphawlawng ih thilthuam hrekkhat an hlon.
20 Ni tampi sung, ni le arsi pawl kan hmu thei lo; thli cu nasa zet in a hrang ringring. A netnak ahcun kan nung ding ti ruahsannak malte hman kan nei nawn lo.
21 Tangphawlawng parih mi pawl cu rawl lo in ni tampi an um hnuah an hmaiah Paul a ding ih, “Unau pawl, ka thusimmi in ngai uhcila Krete tikulh ihsin feh lo in um nungla hibangtuk cemnak le ralnak hi kan tong lo ding.
22 Sikhalsehla atu ah nan thinphang hlah uh, tiah ka lo sim. Tangphawlawng hi cu kan sung ding nain kanmah cu kan hloral lo ding.
23 Ziangahtile mizan ah i neitu le ka biakmi Pathian ih vancungmi ka hnenah a rung ih,
24 ‘Paul, òih hlah aw! Rom siangpahrang ih hmaiah na din a òul a si! Pathian na parih a òhat ruangah nangmah thawn a fehmi pawl hi pakhat hman thi lo tein an nunnak a zuah òheh ding,’ tiah i ti.
25 Curuangah unau pawl, phang hlah uh! Ziangahtile Pathian ka rinsan ih i sim cia vek cekci in a si ko ding.
26 Asinan tikulh pakhatkhat ah thli in, in soih ding,” tiah a ti.
27 Zan hleilinak a si zo, Mediterranean Tifinriat ahcun thlipi in, in hrual ciamco. Zanòim hrawngah tangphawlawng kiltu pawl in leilung kan naih thlang hmang tiah an zum deuh.
28 Curuangah hri in thirtum an khih ih an vun thlak ih tidai cu pi zakhat le pi kul a thuuk. Malte hnuah an thlaksal ih pi sawmkua a si.
29 Tangphawlawng in lungpi a sawh pang ding ti an phan ruangah a dunglam ihsin a hrennak thirkawn pali an thlak ih thlacam phahin khuavan ding an hngak.
30 Cule lawng hnaòuan pawl cu tlan an tum; vokkuanglawng kha ti sungah an vun òhum ih a hmailam ihsin a hrennak thirkawn òhenkhat thla ding vekin an um awter.
31 Sikhalsehla ralbawipa le ralkap pawl hnen ahcun Paul in, “Tangphawlawng kiltu pawl tangphawlawng parih an um lo asile nan nun ding ruahsannak zianghman a um lo,” tiah a ti.
32 Curuangah vokkuanglawng a kaitu hri pawl cu ralkap pawl in an satcat ih vokkuanglawng cu an fen hloter.
33 Khua a van deuh hlanah Paul in rawl ei dingin a fial hai: “Ni hleili sung lungphangin nan um zo ih hi sung hmuahhmuah ah zianghman nan ei lo.
34 Zangfah ka lo dil: Rawl malte tal ei thlang uh. Nan nunnak dingah a òul a si. Nan lu parih samphang pakhat hman a hloral lo ding,” tiah a ti.
35 Cutiih a ti hnuah Paul in sang malte a lak ih an zate hmaiah Pathian hnenah thlacam in sang cu a phel ih a ei.
36 Midang khal an thinlung a hung cak deuh ih rawl malte an ei fingfing.
37 Tangphawlawng parih a ummi cu kan zate in zahnih le sawmsarih le paruk kan si.y 27:37 mi 276 timi hi kutngan cazual òhenkhat ahcun 275 tiin, a dang òhenkhat sungah 76 ti tla in a um.
38 Tawkfang an ei òheh hnuah sangvut hmuahhmuah kha tifinriat sungah an hlon òheh ih cuticun tangphawlawng kha zang deuh in an tuah.
Tangphawlawng A Siat
39 Khua a vang tikah tangphawlawng kiltu pawl in tikap an hmuh tikah khui ram a si, ti an thei thei lo. Asinan tikel ih tikap pakhat an hmu ih a cang thei asile cutawkih an tangphawlawng colhter kha an tum.
40 Curuangah an tangphawlawng hrennak hri cu an satcat ih a thirkawn cu tifinriat sungah an pilter; cule tangphawlawng hlaunak hri in an òemmi an phoih. Cun tangphawlawng hmailam bik ah a puanzar kha an zaar ih thli in hmailam ah a sem ih tikap lam ahcun kan feh.
41 Asinan tangphawlawng cun vunnel pawng a sawh ih a tang. A hmailam cu vunnel sungah a dawt aw ih a phuak aw thei nawn lo; a dunglam cu tisuar in a hrual ciamco ih a phel kuai thluh.
42 Ralkap pawl cun thawngtla pawl kha ti an leuh dingih titlang an thlen tikah an tlanhlo thluh ding ti an phan ruangah thah òheh hai an tum.
43 Asinan ralbawipa in Paul kha a hum duh ruangah a kham hai. Cule ti a leuh thei pawl cu tangphawlawng ihsin dawp dingah le tikap ah leuh dingin thu a pek.
44 A tangmi pawl in thingpheng maw, tangphawlawng a kuaimi thingphel maw, an pom ih an thlun. Cuticun kan zate in tikap ah him tein kan thleng.