20
Bawipa Jesuh ah Huham ah Mawng Ami ng'Shi Nak
(Matthe 21:23-27; Makuh 11:27-33)
1 Kho hnüüp ät ung Bawipa Jesuh naw chang gui m'cäi gui ne ng'Thu Ni am thein gui zah ung taigü ng'vai gui ni, thukhän saza
gui ni, Jew chang ng'vai gui ni cu law u netah;
2 “Shin gui bi nak hning vai ah nang ung a i ang a om? Cun ah bi nak hning cu a u
naw ang a ning peit? na pyein vai nei” ci ne ng'shik ci gui.
3 Bawipa Jesuh naw, “Kei phi tumat ka ning shi gui khai, Johan naw tui hnim nak a peit cu;
4 Khanpughi ah bi sak ang? chang ah bi sak ang? nami pyein vai nei” ci ne ng'shi tuba gui ci.
5 Ngami cu ami mät ng'ge u netah, “a i mi cik khai ang? Khanpughi ah bi sak mi ci ung, a i ah kia sei Johan kä nami zum ang? ci
lawk khai.
6 Chang ah bi sak mi ci ung, Johan cu profet ah kiak ci ciah zum ci gui naw, lung awn na vawi gui khai gui” ci ne kia u netah,
7 ngami naw, “a u ah bi sak ah abi cu kä kami hmat ci nei” cik ci gui.
8 Cun ci u khätah, Bawipa Jesuh naw, “Shin ah kabi gui cu a u naw na bi sak sei kabi ah kei naw phi kä ka ning m'thein gui khai”
cik ci.
Sapyit Lo ah Ng'Hlawh Ci Guiawn Amtumtäng Nak
(Matthe 21:33-46; Makuh 12:1-12)
9 Cun kawn ah Bawipa Jesuh naw shin ah m'tumtäng nak m'thein gui ci. “Chang tumat naw sapyit lo ung ang geitkaw kawn ah, chang gui
ghüh ne bi ne ei sak gui ci. Amät cu a kho hei ah hteit ne
aksho om ci.
10 Hnü ät ung ak chang tumat tüi ne, alo ah k'phlam cu shan sak ci. Cun ung phi lo bik ci gui naw, tu that u netah a i kä peit
ah tüi ba ci gui.
11 Cun kawn ah lo mah naw ak chang a hei tumat mä tüi ba ci. Cun cun phi tuthat u netah a i kä peit ah hlawt ba ci gui.
12 Cun kawn ah lo mah naw, ak chang a hei tumat cu tüi ba mä ci. Cun ah chang cun phi leim khai ah tuthat netah, akpung ah k'täm
ne gawt ci gui.
13 Cun kawn ah lo mah naw, “Ka hta tumat om ci, acun baw ka tüi khai, ani ahteh läi ung kyih aa khai gui” ci netah, ahta cu
tüi ci.
14 Cun ung phi lo bik ci gui naw ani hmuh netah, “Ani cu lo mah ah hta, pakhui m'düng khai ah chang ah kiak ci, ani ngawn netah lo
mi kaa nak khai’ ci u netah;
15 Lo mah ah hta cu akpung ah hteh püi ne ngawn ci gui. Cun ah a kiak ung lo mah naw a i ci lawk khai ang?
16 Ani naw law ne ng'hlawh ci gui avan gawt gui netah, a sapyit lo cu a hei ghüh ba ne bi sak khai nei” cik ci.
Chang gui naw cun cu ng'za u netah, “cun ah kä kia-en sä” ci
ne kiak ci gui.
17 Bawipa Jesuh naw, chang gui teng gui netah, “Lung im co ci gui naw, ami ghawh ah lung cu, aphu küi pibäih ciah, lung ah kia
lawk ci” ciah cacim ah mawng cu ka ning m'thein gui khai.
18 A cun ah lung ah khan ah zu kiak ciah chang cu hnget ne ng'bät khai, a cun ah lung naw a kiak shi ah chang cu khui ne ng'piäüh
khai” ci ne m'thein gui ci.
K'Phlam Pei Vai ah Mawng Ami Ng'Shi Nak
(Matthe 22:15-22; Makuh 12:13-17)
19 Thukhän saza gui la taigü ng'vai gui cu, Bawipa Jesuh naw ngami-am ci gui ah amtumtäng cu hmat u netah, Bawipa Jesuh
cu pha hlük ci gui. Cun ung phi chang gui cu kyih gui ci gui.
20 Cun ah kia sei ngami naw ami phaa nak vai ah m'kawt cu shui ci gui. Ang thu a hma law ung Roman bawi-am pha ne ap vai ci ne,
chang k'ni ah ng'shei ciah chang gui cu Bawipa Jesuh ah tüi ne
ng'shi sak ci gui.
21 Nagmi naw “Sazapa, na ng'thu la na m'theithang cu hman ciah kami hmat ci. Nang cu chang ah hmai kä teng-en ah Khanpughi ah
ng'düng nak ah mawng bäng na pyein ci.
22 Cun ah kia sei, akcang cu na m'thein gui ä: Roman ghangpughang- am k'phlam kami ap khai ang? kä kami ap khai ang?” ci ne
ng'shik ci gui.
23 Bawipa Jesuh naw ngami ah theileh cu hmat netah,
24 “Tangka tumat na m'hnuh law vä, shin ah tangka ung a u ah gup la a u ah ming ang a om?” ci ne ng'shi gui ci.
Ngami naw, “Roman ghangpughang ah gup la aming om ci nei” cik
ci gui.
25 Bawipa Jesuh naw, “Roman ghangpughang ah kaa cu Roman ghangpughang-am nami ap vai. Khanpughi ah kaa cu Khanpughi-am
nami ap vai” cik ci.
26 Ngami naw chang gui ah ma ah Bawipa Jesuh ah ng'thu a hma nak cu kä hmu hlawt u netah, ani ah ng'thu ngai ne, cäi ne adüm ah om
ci gui.
Sihnak Ung Thawh Ba Vai ah Mawng Ami ng'Shi Nak
(Matthe 22:23-33; Makuh 12:18-27)
27 Sihnak ung kaa thawh ba nak kä om khai ci ah zum ciah Sadducees gui cu Bawipa Jesuh ah law u netah,
28 “Sazapa, Mose ah thukhän ung chang tumat cu ahta kä om sei asih ung akchu cu a phäi nau naw akhäm tu ba vai, a phäi nau
ah hnün ung pakhui am düng vai” ciah om ci.
29 Hnü ät ung ng'phäi nau gui chang sing chih om ci gui. Ami phäi ng'vaipi cu chumah netah kä hta pha ne sik ci.
30 Akchu cu anau ng'vaipi naw khäm tu ba ci. Ani phi kä hta pha ne si ba ci. A cun ah anau naw mä khäm tu ba ci.
31 Ani phi kä hta ne si ba sei, ami van ng'phäi nau chang sing chih cu ami hta kä om sei si zawp ci gui.
32 Ak hnu ah cun ah hnumi phi sik ci.
33 Cun ah hnumi cu, cun ah ng'phäi nau chang sing chih ami van ah chu ah kia sei, sih nak ung kaa ami thawh law ba hnüüp ung,
ani cu a u ah chu ah kiak khai ang?” ci ne ng'shik ci gui.
34 Bawipa Jesuh naw, “Shin ah m'dek khan ung chang gui cu ng'chula ci gui.
35 Cun ung phi sih nak ung kaa tho ba ne khankho ah kai khai ah chang gui cu, kä ng'chula ba khai gui.
36 Ngami cu khanchang gui ah mäih ah kia ne kä si ba hlawt khai gui Ngami cu sih nak ung kaa tho ba ci gui ah kia ne, Khanpughi
ah hta ah kiak ci gui.
37 “Moses naw, mei ah däi ciah k'pluup ah mawng a pyein nak ung, Khanpughi cu Abraham ah Khanpughi, Issak ah Khanpughi, Jakop ah
Khanpughi a ci cu, sih nak ung kaa, thawh ah mawng a pyein ah
kiak ci. Ngami cu Khanpughi ah ma ah ghing ne om ci gui kia sei,
38 Khanpughi cu sik ci gui ah Khanpughi ah kä kiak ci, ghing ci gui ah Khanpughi ah kiak ci” ci ne m'thein gui ci.
39 Thukhän saza am shah naw, “Sazapa, shin cu nik ciah ng'thu na m'hlan ba ah kiak ci nei” cik ci gui.
40 Ngami naw län ne ami ng'shi ba vai kä om khätah, cun ami ci ah kiak ci.
Messiah ah Mawng Ami ng'Shi Nak
(Matthe 22:41-46; Makuh 12:35-37)
41 Bawipa Jesuh naw, ngami-am, “A i kia sei Messiah cu David ah ng'shon ah kiak khai, nami ci ang?
42 David ghangpughang amät naw Salan cacim ung;
“Bawipa naw ka Bawipa-am,
Na gaa gui cu na kho kaa ah ka gawk sak gui zawp khai.
43 Cun ah kä ah kiak phaa ah chuih
Ka k'pat lam ah na ngoh vai” ci ne pyein ci.
44 David naw Messiah-am, Bawipa, ci ne khü ci kia sei,
a i chaa ah Messiah cu David ah ng'shon ah kia thei
khai ang? ci ne ng'shi gui ci.
Bawipa Jesuh naw Thukhän Saza Gui Akhän Nak Gui
(Matthe 23:1-36; Makuh 12:38-40)
45 Bawipa Jesuh naw ngai tuk ciah chang khli ah ng'zak vai ah ang düihpüi gui-am,
46 “Thukhän saza gui cu geing na ne nami hlawi gui vai. Ngami cu suinu sui ne ä-mak ne hteit shüi shüi ci gui. Sumlei hmun ung
chang ah chang m'sui gui vai ng'za hlük ci gui. Pum im ung ak
hlüng nak pi ung ngo u ne, da law nak ah pawi ung ani nak pi ung
ngo hlük ci gui.
47 Hmeinu gui ah khawhchaam phi gut ci gui. Chang naw aktung ah ang ngaih gui vai ah ang sau nu ah taigü ci gui. Ngami ah khan ah
Khanpughi ah m'kat nak däm pi khai nei” ci ne m'thein gui ci.