1 အိုအရှင်ဘုရား၊ ကိုယ်တော်သည် လူမျိုးအစဉ်အဆက်အကျွန်ုပ်တို့ခိုလှုံရာဖြစ်တော်မူခဲ့ပါ၏။ 2 တောင်များမပေါ်၊ မြေပထဝီနှင့်လောကကိုဖြစ်ပွားစေတော်မမူမီ၊ ရှေးကာလကနောင်ကာလ တိုင်အောင်၊ ဘုရားသခင်ပေတည်း။ 3 ရှေ့တော်၌၊ နှစ်ပေါင်းတစ်ထောင်သည် လွန်ပြီးသောယမန်နေ့ကဲ့သို့လည်းေကာင်း၊ ညဉ့်ယံတစ်ယံမျှကဲ့သို့လည်းေကာင်း၊ ဖြစ်သည့်အလျောက်၊ 4 အချင်းလူ့သားတို့၊ ပြန်ကြလော့ဟူသောအမိန့်ရှိ၍၊ မြေမှုန့်သို့ပြန်စေတော်မူပါ၏။ 5 ရေဘေးပမာ၊ တိုက်သွားတော်မူသောသူတို့သည်၊ အိပ်မောကျသကဲ့သို့ဖြစ်လျက်၊ 6 နံနက်အခါပွင့်လန်းပေါ်ပေါက်ခြင်း၊ ညချမ်းအခါရိတ်ဖြတ်ညှိုးနွမ်းခြင်းခံရလျက်၊ နံနက်အချိန်၌၊ ပေါ်ပေါက်ရသောမြက်ပင်နှင့်တူကြလေစွ။ 7 အကျွန်ုပ်တို့သည်အမျက်တော်ကြောင့်ကုန်ခန်းလျက်၊ အရှိန်တော်ကြောင့်စိတ်ပျက်ကြရပါ၏။ 8 အကျွန်ုပ်တို့ဒုစရိုက်များကိုရှေ့တော်၌လည်းေကာင်း၊ မထင်ရှားရာပြစ်မှုများကို မျက်နှာတော်အလင်း၌လည်းေကာင်း၊ လှန်ထားတော်မူပါပြီ။ 9 အမျက်တော်ကြောင့်၊ အကျွန်ုပ်တို့ရက်တာပြောင်းလျက်၊ နှစ်တာလည်းသက်ကြီးရှိုက်တငင်လွန်သွားတတ်ပါ၏။ 10 အသက်တာသည်၊ နှစ်ပေါင်းခုနစ်ဆယ်ရှည်လျက်၊ အင်အားရှိခြင်းကြောင့်နှစ်ပေါင်းရှစ်ဆယ်ပြည့်မီသော်လည်း၊ အမြန်ကုန်လွန်၍၊ ပျံ့လွင့်ရသူအကျွန်ုပ်တို့ကြက်သရေပင်၊ ပင်ပန်းခြင်း၊ ဝမ်းနည်းခြင်းမျှသာဖြစ်ပါ၏။ 11 ကိုယ်တော်ကိုကြောက်ရွံ့ထိုက်သည်နှင့်အညီ၊ စိတ်တော်အရှိန်၊ အမျက်တော်အရှိန်ကိုမည်သူသိပါအံ့နည်း။ 12 ကိုယ့်နေ့ရက်များကိုရေတွက်၍၊ ဉာဏ်နှင့်ယှဉ်သောစိတ်နှလုံးကိုရရှိစေခြင်းငှာ၊ သွန်သင်တော်မူပါ။ 13 အိုထာဝရဘုရား၊ မည်မျှကြာနေတော်မူပါမည်နည်း။ ပြန်လာ၍၊ ကျွန်တော်မျိုးတို့အတွက် စိတ်ပြောင်းလဲတော်မူပါ။ 14 တစ်သက်ပတ်လုံးရွှင်လန်း၍ ကြွေးကြော်ခွင့်ရကြစေရန်၊ နံနက်အချိန်တင်းတိမ်ဖွယ်ကရုဏာတော်ကိုသနားတော်မူပါ။ 15 အကျွန်ုပ်တို့ကိုနိမ့်ကျစေတော်မူသောနေ့ရက်၊ ဒုက္ခတွေ့ကြုံသောနှစ်ပေါင်းနှင့်အမျှ၊ ဝမ်းမြောက်ခွင့်ကိုသနားတော်မူပါ။ 16 အမှုတော်ကိုကျွန်တော်မျိုးတို့၌လည်းေကာင်း၊ ဘုန်းတော်ကိုသားမြေးတို့၌လည်းေကာင်း၊ ထင်ရှားစေတော်မူပါ။ 17 အကျွန်ုပ်တို့အရှင်ဘုရားသခင်၏တင့်တယ်ခြင်းကြက်သရေတော်ကို အကျွန်ုပ်တို့အပေါ်သို့သက်ရောက်စေလျက်၊ အကျွန်ုပ်တို့ပြုလေရာရာကိုလည်း တည်မြဲတည်စေတော်မူပါ။