ဆာလံ။ 54
1 အိုဘုရားသခင်၊ နာမတော်အားဖြင့်အကျွန်ုပ်ကိုကယ်တင်၍၊ တန်ခိုးတော်အားဖြင့်စီရင်ဆုံးဖြတ်တော်မူပါ။
2 အိုဘုရားသခင်၊ အကျွန်ုပ်၏တောင်းလျှောက်ချက်ကိုနားညောင်း၍၊ နှုတ်မြွက်သောပဌနာကိုကြားနာတော်မူပါ။
3 နိုင်ငံခြားသားတို့သည်၊ အကျွန်ုပ်တစ်ဘက်၌ ထကြွခြင်းကိုလည်းေကာင်း၊ ကြမ်းကြုတ်သူတို့သည် အသက်အန္တရာယ်ရှာကြံခြင်းကိုလည်းေကာင်း၊ ဘုရားသခင်အားဂရုမစိုက်ဘဲပြုကြလေစွတကား။
4 ဘုရားသခင်သည်၊ ငါ့ကိုကူညီတော်မူသောအရှင်၊ ငါ့အသက်ကို ထောက်မတော်မူသော အရှင်ပေတည်း။
5 ငါ့ရန်သူတို့အားမကောင်းကျိုးဆပ်ပေး၍၊ သစ္စာတော်အားဖြင့်ပယ်ရှားတော်မူပါ။
6 အိုထာဝရဘုရား၊ အကျွန်ုပ်သည်၊ စေတနာစိတ်နှင့်ကိုယ်တော်အားပူဇော်လျက်၊ ကောင်းမြတ်သောနာမတော်ကိုချီးမွမ်းပါမည်။
7 ခပ်သိမ်းသောဒုက္ခတွင်းမှ ကယ်လွှတ်တော်မူသဖြင့်၊ ရန်သူတို့ကို၊ ကိုယ့်မျက်စိနှင့်စီးကြည့်၍အားရလေပြီ။