မိက္ခာကျမ်း
1
1 ယုဒဘုရင်ယောသံမင်း၊ အာခဒ်မင်း၊ ဟေဇကိမင်းတို့လက်ထက်၊ ရှာမာရိမြို့၊ ယေရုရှလင်မြို့နှင့်စပ်လျဉ်း၍၊ ထာဝရဘုရားထံတော်မှ ရောက်လာသည့်အတိုင်း၊ မောရရှမြို့သားမိက္ခာမြော်မြင်ရသောဗျာဒိတ်တော်ကား။
2 အိုလူမျိုးအပေါင်းတို့၊ နာခံကြလော့။ အိုမြေပထဝီနှင့်ရှိရှိသမျှပါ၊ နားစိုက်ကြလော့။ အရှင်ထာဝရဘုရားသည်၊ သန့်ရှင်းေသာဗိမာန်တော်မှ၊ သင်တို့တစ်ဘက်၌ သက်သေခံတော်မူလတ္တံ့။
3 ကြည့်ကြလော့။ ထာဝရဘုရားသည်၊ စံရာဘုံမှထွက်ကြွဆင်းသက်ပြီးလျှင်၊ မြေပထဝီရှိမြင့်မြတ်ရာများ၌ စက်တော်ဖြန့်သဖြင့်၊
4 နင်းတော်မူသောတောင်များသည်၊ မီးရှေ့ဖယောင်းကဲ့သို့အရည်ပျော်၍၊ ချိုင့်များလည်း၊ တောင်ကမ်းပါးယံ၌ ရေတံခွန်ဖြာသကဲ့သို့ အက်ကွဲရလတ္တံ့။
5 ထိုအခြင်းအရာများသည်၊ ယာကုပ်အမျိုး၏ လွန်ကျူးမှု၊ ဣသရေလအမျိုးသားတို့ပြစ်မှုများကြောင့် ရောက်လေပြီ။ ယာကုပ်အမျိုး၏လွန်ကျူးမှုကား၊ ရှမာရိမြို့၊ ယုဒအမျိုး၏မြင့်ရာဌာနများကား၊ ယေရုရှလင်မြို့ဖြစ်သည်မဟုတ်လော။
6 သို့ဖြစ်၍ငါသည်၊ ရှမာရိမြို့ကို၊ တောခြေရှိမြို့ပျက်၊ စပျစ်ခင်းသဖွယ်ဖြစ်စေလျက်၊ အခြေအမြစ်ဟင်းလင်းပေါ်အောင်၊ ကျောက်များကို ချိုင့်ထဲသို့ပစ်ချမည့် အလျောက်၊
7 ပြည့်တန်ဆာအလုပ်နှင့်ဆည်းပူးသောရုပ်ပွားဆင်းတုမှစ၍၊ လက်ဆောင်ရှိသမျှသည်၊ ကျိုးပျက်ခြင်း၊ ကျွမ်းလောင်ခြင်း၊ ဆိတ်ညံခြင်းခံရလျက်၊ ပြည်တန်ဆာ၏ လက်ဆောင်အဖြစ်ရောက်ပြန်လိမ့်တကား။
8-9 သို့နှင့်အညီ၊ ခံရသောဒဏ်ချက်များသည်၊ ကုသ၍မရ၊ ယုဒပြည်သို့ရောက်လျက်၊ အမျိုးသားချင်းတို့၏ ဝင်ပေါက်ဖြစ်သော ယေရုရှလင်မြို့တိုင်အောင်ပင်ကူးပြီး ဖြစ်သောကြောင့်၊ ငါသည် မြည်တမ်းအော်ဟစ်လျက်၊ ဖိနပ်မစီး၊ အဝတ်မဆင်ဘဲ သွားလာလျက်၊ ခွေးအကဲ့သို့အူခြင်း၊ ငှက်ကုလားအုပ်ကဲ့သို့မြည်ခြင်းကိုပြုရလိမ့်မည်။
10 ဂါသမြို့တွင်၊ ငိုကြွေးလျက် ထိုသတင်းကို မကြော်ငြာလင့်။ ငါသည်။ ဗေသောဖရာတွင်၁ 1.10 ပါဠိ။ - အာဖရာ။ မြေမုန့်၌လူးလေပြီ။
11 အိုရှဖိရမြို့သူတို့၊ အဝတ်အချည်းစည်းအရှက်ကွဲလျက်ထွက်သွားကြလော့။ ဗေသဇေလမြို့သူတို့မြည်တမ်း၍ အားမပေးနိုင်သောကြောင့်၊ ဇာနန်မြို့သူတို့သည် မထွက်ဝံ့ကြချေ။
12 ဘေးဆိုးသည်၊ ထာဝရဘုရားထံမှယေရုရှလင်မြို့တံခါးသို့သင့်ရောက်ပြီးဖြစ်သောကြောင့်၊ မာရုတ်မြို့သူတို့သည်၊ မကောင်းကိုစိုးရိမ်လျက်နေကြ၏။
13 အိုလာခိရှမြို့သူတို့၊ စစ်ရထားကိုမြင်းကကြလော့။ သင့်မြို့၌ဣသရေလလူမျိုး၏ လွန်ကျူးမှုတည်ရှိသည့်အလျောက်၊ သတို့သမီးဇိအုန်၏အပြစ်မူလရင်းဖြစ်သတည်း။
14 သင်သည် ဂါသခရိုင်မောရရှက်မြို့ကို လက်လွှတ်ရမည်။ အာခဇိပ်မြို့သူမြို့သားတို့သည်၊ ဣသရေလဘုရင်အဖို့ ၂ 1.14 ပါဠိ။ - အာခဇပ်။ချောင်းခြောက်သဖွယ်ဖြစ်၏။
15 အိုမရေရှမြို့၊ ၃ 1.15 ပါဠိ။ - ယေရရှ။အပိုင်ယူမည့်သူကို၊ ငါရောက်စေမည်။ ဣသရေလလူမျိုး၌ အသရေရှိသူတို့သည်၊ အဒုလံဥမင်သို့ပြေးကြရမည်။
16 သင်နှစ်သက်သောသားသမီးတို့ကို သုံ့ဘမ်းသိမ်းသွားကြပြီးဖြစ်သောကြောင့်၊ ဦးဆံပယ်ခြင်း၊ မုတ်ဆိတ်ရိတ်ခြင်းပြုလျက်၊ လင်းယုန်ကဲ့သို့ခေါင်းပြောင်စေလော့။