1 အိုထာဝရဘုရား၊ ကိုယ်တော်သည် အကျွန်ုပ်၏ဘုရားသခင်ဖြစ်တော်မူ၏။ သစ္စာတော်တည်မြဲ၍၊ ရှေးကာလကပင်ပြဋ္ဌာန်းတော်မူသော အံ့ဩဖွယ်ရာများကိုစီရင် တော်မူသောကြောင့်၊ ဂုဏ်တော်ကိုချီးမြှောက်၍ နာမတော်ကိုချီးမွမ်းပါမည်။ 2 မြို့ကိုလည်း‌ေကာင်း၊ ခိုင်ခံ့သော မြို့ကိုလည်း‌ေကာင်း၊ ဖြိုလှဲချပုံရာဖြစ်စေလျက်၊ လူမျိုးခြားတို့ခံမြို့ကိုလည်း မည်သည့်အခါမျှ ပြုစုခွင့်၊ မြို့ဖြစ်ခွင့်မရသည့်တိုင်အောင် စီရင်တော်မူပြီးဖြစ်၍၊ 3 ရက်စက်သောလူမျိုးတို့သည်ဘုန်းတော်ကိုချီးမွမ်းလျက်၊ ကြမ်းကြုတ်သော လူမျိုးခြားတို့မြို့များသည်၊ကိုယ်တော်ကိုကြောက်ရွံ့ကြလိမ့်မည်။ 4 ကိုယ်တော်သည် ဒုက္ခရောက်သည့်ကာလ၊ နွမ်းပါးသူ၊ ဆင်းရဲသူတို့ခံတပ်သဖွယ်၊ ပြင်းစွာမိုးသက်မုန်တိုင်းဝှေ့သကဲ့သို့ ကြမ်းကြုတ်သူတို့တိုက်ဝှေ့သည့်ကာလ၊ မိုးခိုရာ၊ နေရောင်ကွယ်ရာအရိပ်သဖွယ်ဖြစ်တော်မူပြီ။ 5 သွေ့ခြောက်သောအရပ်၌ နေရှိန်ကိုဧစေသကဲ့သို့၊ လူမျိုးခြားတို့ကြိမ်းဝါးသံကိုလည်း‌ေကာင်း၊ မိုးတိမ်အားဖြင့် နေရှိန်ကိုပေါ့သကဲ့သို့၊ ကြမ်းကြုတ်သူတို့အောင်သံကိုလည်း‌ေကာင်း၊ ပြတ်စဲ စေတော်မူ၏။ 6 ဗိုလ်ခြေတို့အရှင်ထာဝရဘုရားသည်၊ ဆူဖြိုးလျက် အဆီနိုင်သောခဲဖွယ်၊ စစ်ပြီးလက်ဟောင်းစပျစ်ရည်သောက်ဖွယ်များကို လူအမျိုးမျိုးတို့အဖို့ ဤတောင်တော်ပေါ်တွင်စီရင်တော်မူ၍၊ 7 လူအမျိုးမျိုး၌ ဖုံးအုပ်သောတစ်ဘက်၊ လူမျိုးခြားတို့၌ လွှမ်းတင်သောအထည်များကို ဤတောင်ပေါ်မှာပယ်တော်မူလိမ့်မည်။ 8 အရှင်ထာဝရဘုရားသည်၊ သေခြင်းတရားကို အစဉ်အမြဲပယ်ဖျက်လျက်၊ လူရှိသမျှတို့၏ မျက်နှာမှ မျက်ရည်ကိုသုတ်၍၊ လူမျိုးတော်ခံရသောကဲ့ရဲ့ခြင်းကို၊ မြေတစ်ပြင်လုံး၌ ကင်းရှင်းစေတော်မူလိမ့်မည်။ ထိုသို့ထာဝရဘုရားမိန့်မြွက်တော်မူသတည်း။

9 ထိုကာလဆိုရမည်မှာ၊ ငါတို့ကိုကယ်တင်အံ့ဟု စောင့်မြော်ကြသော ငါတို့ဘုရားပေတည်း။ ငါတို့စောင့်စားကြသောထာဝရဘုရားပေတည်း။ ကယ်တင်တော်မူသောကျေးဇူးတော်ကြောင့်၊ ငါတို့ဝမ်းမြောက်ရွှင်လန်းကြကုန်အံ့ဟူ၍တည်း။ 10 ထာဝရဘုရားသည်၊ ဤတောင်ပေါ်မှာလက်တော်တင်လျက်၊ နောက်ချေးရွှံ့အိုင်၌ ကောက်ရိုးကိုချနင်းတတ်သကဲ့သို့၊ မောဘသည်ကိုယ့်နေရပ်၌ ချနင်းခံရသဖြင့်၊ 11 ရေလက်ပစ်ကူးသူ့နည်းတူ၊ ထိုအိုင့်အလယ်တွင် လက်ပစ်ကူး လိမ္မာသော်လည်း၊ မာရ်မာနနှိမ့်ချခံရလိမ့်မည်။ 12 သင်၏မြင့်သောခံတပ်မြို့ရိုးများကို၊ မြေမုန့်သို့ရောက်သည့်တိုင်အောင်၊ ဖြိုဖျက်လှဲချတော်မူလိမ့်မည်။