SAM 54
Ref 54 Abyalu: 1Sa 23.19, 26.1 Khyn nawlan Sawsangnawnote54 Abyalu: David tuh kae ram kya a rekuh, cite Zif ccungccaw hae nynh Saul kha a hopah kou hae te David nynh a phuapaw hlaw.
1 Pou Pachia, na min te yn khum lah,
na thungnaw te yn luesah tua.
2 Pou Pachia, ka sawsangnaw
yn thaepya tua;
ka hopaw bya hynh yn ngaepya tua.
3 Pawccecize a lysakuh hae paw tuh
kae kha rawsete yn thokuh vae hae,
mih rysawthah hae paw nynh
chia khylan yn ccung hae;
Pachia kha pawlangria khyh hae.
4 Thuasalama Pachia tuh
kae yn bawmtu ccaccing nynh thua;
Bawipaw tuh ka hiinnaw
yn thungkhawtu nynh thua.
5 Ka rhaw hae kha mih seinaw hanlan
a liaru cih hae.
Zyn lan na um thyhte minmin kha
roh hae.
6 Lungthote silawnaw thyhte
na kalan silawnaw ka rae cih;
Pou Bawipaw , nang tuh
na hoy keiccuze na min kha
kae thehoysah cih.
7 Pawccecize ka vawsawnaw miakaw kyate
yn luesah zah, ka rhaw hae nynh
a shung hae paw kha ka muih vae.