SAM 126
Lungtua Loohruenaw
Cciathungnaw Hlaw
1 Bawipaw nynh Zion ccungccaw hae kha
he oun kikhae tuh,
aening tuh maan a sah hae paw te
nynh ah loku oh.
2 Tetuh ah khalang tuh
nuinnaw te phe beih zah,
ah lae tuh lungtua siaruanaw te phe beih;
te minphuin ccangpaw hae nynh,
“Minmin hanlan Bawipaw nynh
myarya lepaw uccaw hae kha
a cyipya vae hae,” cite a ho hae.
3 Bawipaw nynh aening hanlan
myarya lepaw uccaw hae
oun cyipah vae zah,
pawcih baban mou ah lungtua!
4 Pou Bawipaw , Negeb vawkhu kya
tui bua alua hawte,
kaening hynh bua oun kikhae.
5 Mitphi luate ccacii a vua hae paw tuh
lungtua siaruate looh a rue cih hae.
6 Vua lanpaw ccacii kha
ccyngkuh hae zah,
mitphi luate a pou hae paw tuh
mih ccatan cce kha puihkute
lungtua siaruate inn lang a ki cih hae.