SAM 114
Kawtaw Poi Hlaw
1 Israel hae, Jakob ciihan hae tuh
ccangpaw bya a honaw hae
Izip ram kyate he a pou hae te,Ref 114.1: Exo 12.51
2 Judah tuh Pachia beikinnthyaa lang tang zah,
Israel tuh Pachia nynh
a ukpaw lang a tang.
3 Rili nynh muih zah a ccuetaw;
Jordan vaw mah nulang a ki.Ref 114.3: Exo 14.21; Jos 3.16
4 Muapi hae tuh tuutepaw hawte
thohkuh hae zah, mua taraw hae tuh
tuutaw hawte a thohkuh hae.
5 Pou rili, pawccemou na ccue?
Pou Jordan, pawccemou nulang na ki?
6 Pou muapi hae, pawccemou tuutepaw hawte
na thohku oh?
Pou mua taraw hae,
pawccemou tuutaw hawte na thohku oh?
7 Pou laephi, Bawipaw malang,
Jakob Pachia malang khe thyngku tua,
8 aning nynh lungpi kha
tuili lang tangsah zah,
rihlung kha tuidy a pounaw lang
a tangsah.Ref 114.8: Exo 17.1-7; Nam 20.2-13