SAM 11
Bawipaw Doliakunaw Hlaw
David Hlaw
1 Bawipaw kya ka rekuh;
“Pavaw hawte mua lang zoutua;
2 pawccecize ccungccaw hoylei
hae paw nynh
ccungccaw hoypaw hae kha kaw khylan
amohnaw khe mih li kha sue hae zah,
mih the kha li kya a toikuh vae hae.
3 Aleihpaw tuh phe aro vae ze,
ccungccaw hoypaw nynh
pawmou a cyih kho vae cih?”
cite pawtemou nae hopya kho.
4 Bawipaw tuh a beikinnthyaa kya a um;
Bawipaw kya-e bawitungkhung tuh
vaawram kya a um.
Ccungccaw hae kha do hae zah
a cyi hae paw kha phe a ny mamia.
5 Bawipaw nynh ccungccaw hoypaw te
ccungccaw hoy leipaw kha
a syntawtua hae,
te a muisaw nynh puathonaw
a rypaw kha a hua.
6 Ccungccaw hoy leipaw tungvaw khe
zaezae epaw maee-e te ke maee-e kha
khuaa lang a rawsah;
myarya sopaw khisan khate de a tah hae.
7 Pawccecize Bawipaw tuh
adingpaw thua zah,
adingpaw cyisahnaw kha a ry;
adingpaw ccungccaw nynh
amaw mitmae kha a muih cih.