29
1 Atu te atu thuihei zemah
palei a lungkhung mamin paw tuh
dan kho leite vaekheitmawte a roh cih.
2 Miding hae nynh kawhoinaw kya
he a um hae te, ccungccaw hae tuh
mih lungtua; thuasalama
ccungccaw hoyleipaw nynh he a uk te,
ccungccaw hae tuh a hawkhaekuh hae.
3 Hawnaw a rypaw ccaaw nynh
nungpaaw lung a tuasah,
thuasalama ohhuanung hae ryte
a mungkuh hae paw tuh
hoirumnaw kha a zosah han.
4 Siapharan nynh dingnaw liate
ram kha a tynsah,
thuasalama pyaruh patae
a lawkuhpaw nynh tuh ram kha a ro.
5 A innpaw kha a poopaw tuh
a innpaw ccu kaangkae sah khylan
mia kha a rawkhaw vae.
6 Ccungccaw hoyleipaw
a seinaw kyakhe kaang a um,
thuasalama miding tuh
lungtuate hlaw a sah.
7 Miding nynh tuh ryachipaw
dingnaw kha phe a ny;
ccungccaw hoyleipaw nynh tuh
tuhcihawpaw kha nyhthya khyh.
8 Sarya a mang hae paw nynh
khuapi kha maee a soi hae,
thuasalama mihawpaw nynh tuh
thinrianaw kha a daesah.
9 Mihawpaw nynh mingaeepaw kha
a kaethe lanze, mingaeepaw nynh
a hu a raw zemah thuasah,
a nuinse zemah thuasah
daenaw umlae lan khyh.
10 Ccungccaw a theih hae paw nynh tuh
ccaenaw a hoi leipaw kha a hua hae,
te miding hae nynh tuh tuh-e paw
a hiinnaw kha a thungkhaw hae.
11 Mingaee nynh tuh
a thinrianaw balyn kha a langsaku,
thuasalama mihawpaw nynh tuh
daebabi lan um zah a yhku.
12 Uktu nynh hynbya kha a ngae zetuh,
a kuihkaw e bawi hae balyn tuh
ccungccaw hoyleipaw lang
a tang cih hae.
13 Ryachipaw te amaw kha
a tuaa a sahtupaw nynh
a lokunaw hae tuh:
Bawipaw nynh minmin
parouh mawte mit awnaw a pya hae.
14 Siapharan nynh ryachi hae kha
laesah leite bya a pia hae zetuh,
a bawi haungnaw tuh zungzae atyn cih.
15 Ccungngue te zianaw nynh thuasah,
bya te thuiheinaw nynh thuasah
hawnaw kha a pya,
thuasalama a rythyte umsahpaw
imua nynh tuh a nung kha
maethya a law.
16 Ccungccaw hoyleipaw nynh
kawhoinaw kya a um ze
seinaw alungthung,
thuasalama miding hae nynh tuh
mimaw ronaw kha a muihku hae.
17 Na ccaaw kha thuihei lah,
ngaengannaw ae pya cih;
na lung ae tuasah cih.
18 Vizin a um leinaw kya tuh
ccungccaw hae a roh hae,
thuasalama phungbya
a zui hae paw tuh
lungtuapaw nynh athua hae.
19 Bya kyalya te see kha
thuihei kho thua khyh,
pawccecize a thaethya zemah
pawlangria lan khyh.
20 Tuaku ty leite rangsakute
bya a hopaw na muih tou?
Tuhcihawpaw lukhakheit hanlan laeze
mingaeepaw hanlan
ngaehoinaw a umhua.
21 See kha a ditaraw lyate
a rythyte umsah lan zetuh,
nyathyakou tuh
ahoy leipaw lang a tang cih.
22 A thinriapaw ccungccaw nynh
pekunaw kha a puisah,
a thindynpaw nynh
seinaw patae a thuakhae.
23 Ccungccaw tuh a lysahkunaw nynh
amaw kha a nyaasah,
thuasalama a thinlung
zakaw a sangsakuhpaw tuh
sawtuanaw a mue cih.
24 Miruh te a mungkuh hae paw tuh
a hiinnaw a huakuhpaw nynh thua;
thyalawkunaw a rae zemah
akyhpaw kha langsakuh lae khyh.
25 Ccungccaw raw a rihpaw tuh
kaang a syakhawkuhpaw nynh thua,
thuasalama Bawipaw
a doliakuhpaw tuh a khyn cih.
26 Ccungccaw patae nynh
uktu kya-e maehoynaw kha
a ccungku hae, thuasalama
ccungccaw nynh byading kha
Bawipaw kyate rou nynh a mue.
27 Miding hae nynh a ding
leipaw kha a hua hae,
Ccungccaw hoyleipaw nynh