2
Khuapi Hoyleipaw Ronaw
1 Pou Nineveh, rohtupaw nynh
nang kha ae ccianua thung vae.
Na rhawlungrua hae kha phang rintua;
laanpi kha phang ngaw lah,
rhawtuk lan paccynku tua;
na thawzung balyn kha thuatua.
2 (Pawccecize rohtu hae nynh minmin kha roh hae zah,
mih karan hae kha a ro hae zemah
Bawipaw nynh Israel lesaenaw hawte
Jakob lesaenaw kha a pyathui vae.)
3 A rhawkaw hae tuh asepaw
khawriaphua kha mang hae zah,
sephaphuhpaw boeining kha
a lawkuh hae.
A rhawkaw hae kha ataruinte
a thadynsah lya hae khe,
marangle hae kya-e
sivaw zunghe hae tuh
phaephae ak hae;
ccoi hae tuh valahvalah
a hekuh hae.
4 Marangle hae tuh laanpi hae kya
keisukeilae lante ccue hae zah,
khualae lungkhu kya thawte
a ccue bungthung hae;
mih muinsan tuh maeesoitung te
lokuh zah, khozawlaekuhpaw hawte
myarya arang hae.
5 Rohtupaw nynh a kuihkaw e
bawi hae kha a ko hae;
minmin tuh khakhah pawkuh lan
malang a cceih hae;
khualungrua kalan khe
arangte cceih hae zah,
khualungrua kyakhe
thungkhawkunawpaw
khawriaphua khate
a thungkhaw hae.
6 Vawkhu thuakaw hae kha
hung thua zah, siapharan inn tuh a thyngkuh.
7 Khuapi kha kyngte cciakhae
athua cih cite kawtho athua vae,
a seenung hae kha
cciakhae athua cih hae,
minmin tuh vahu hawte
a khui cih hae zah,
mih by a tukuh cih hae.
8 Nineveh khua tuh
tui akanpaw kua te nynh aloku.
“Thadyn oh! Thadyn oh!” cite
a hopya hae zemah,
lu kheit nynh sanmah
nulang hawi khyh.
9 Ngun kha luade oh,
sui kha luade oh!
Sisua tuh thangtae khyh!
Aphutepaw uccaw phuin
10 Nineveh tuh aroh vae,
ccungccaw daetedae zah,
paw sanmah um vae khyh!
Mih thinlung tuh a rawthah zah
mih ccukharu a thyngkuh,
mih thawthang zah,
mih mae tuh dawkadae lan acih!
11 Chindeih hae karung te
chindeih taw hae nynh
looh a aenaw hae hmin tuh
pawlangmou a tang vae hae?
Humhung nynh mah a risah
kho lei hae paw chindeih tepaw,
chindeih pinung te
chindeih taw hae tuh
teilangmou a ccia vae hae?
12 Chindeih nynh a taw hae hanlan te
chindeih pinung hanlan
saw kha a teipya hae;
a karung kha a teipaw saw hae khate
13 Vaaw Bawipaw nynh a hopaw tuh, nang kha kae rawse, na marangle hae kha maeekhuh phe khuh lan maee te ka u cih zah, na chindeih taw hae kha thaloi te ka theih cih hae; na teipaw saw hae kha laephi kyate ka zosah cih zah, na locceihtu hae roi kha thae thua vae lan khyh.