4
Solomon Kuihkaw e Bawi hae
1 Solomon Siapharan tuh Israel ram pynpi a uktu siapharan thua zah,
2 e hae hynh a kuihkaw e bawi hae nynh thua hae: Zadok ccapaw Azariah tuh ranpibawi nynh thua;
3 Shisha ccapaw hae Elihoref te Ahijah tuh ryaccinkhan hae nynh thua; Ahilud ccapaw Jehoshafat tuh ccazing kyngtu nynh thua;
4 Jehoiada ccapaw Benaiah tuh rhawkaw hae a uktu rhawbawi nynh thua; Zadok te Abiathar tuh ranpibawi hae nynh thua;
5 Nathan ccapaw Azariah tuh bawi hae a uktupaw bawi nynh thua; Nathan ccapaw Zabud tuh ranpibawi thua zah siapharan a banpaw mah athua;
6 Ahishar tuh siapharan inn a do-oihtu nynh thua; Abda ccapaw Adoniram tuh nangsete ryalawsahnaw kya a uktu nynh thua.
7 Solomon nynh Israel ram pynpi a uktu bawi lu haw lae ning a hoi, minmin nynh siapharan te a innbyn hae hanlan looh kha a paccynpya hae; kum kheit lungkhu kya lu kheit nynh sawpaw sah kheit cci hanlan looh a paccynpya hae.
8 Tuh-e hae min tuh: Efraim muaram kyaze Ben-hur;
9 Makaz, Shaalbim, Beth-shemesh te Elon-beth-hanan khua hae kyaze Bendeker;
10 Arubboth khua kyaze Benhesed, (Sokoh khua te Hefer ram balyn tuh amaw kya-e nynh thua);
11 Nafath-dor ram pynpi kyaze Ben-abinadab (a zu tuh Solomon ccanung Tafath nynh thua);
12 Taanak khua, Megiddo khua te Jezreel khua akawlan e Zarethan khua pe umpaw Beth-shean khua pepan balyn, Beth-shean khua kyate Abelmeholah khua kyacia, te Jokmeam khua akhung lang kyacia looh a paccyntu tuh Ahilud ccapaw Baana nynh thua;
13 Ramoth-gilead kyaze Ben-geber (aning nynh Gilead ram kya Manasseh ccapaw Jair kya-e khua hae kha a hoi hae, te Bashan ram umpaw Argob pee lungkhu kya-e khualungrua te sohin thuakawccaw a umpaw khua lepaw sung taruh);
14 Mahanaim khua kyaze Iddo ccapaw Ahinadab;
15 Naftali ram kyaze Ahimaaz (a zu tuh Solomon ccanung Basemath nynh thua);
16 Asher ram te Bealoth khua kyaze Hushai ccapaw Baana;
17 Issakhar ram kyaze Paruah ccapaw Jehoshafat;
18 Benjamin ram kyaze Ela ccapaw Shimei;
19 Amor hae siapharan Sihon te Bashan siapharan Og nynh a la uk hae paw Gilead ram kyaze Um ccapaw Geber nynh thua. Te Judah ram kya bawi lu kheit a um.
Solomon Uknaw kha Kosahnaw
20 Judah hae te Israel hae tuh rili kin e laesia zeih acih hae; ae hae neih hae zah lungpawte a um hae.
21 Solomon nynh Zufrates kyate Filistin hae ram te Izip ramri kyacia ram balyn kha a uk; Solomon a hiin lungkhu balyn ngunto pya hae zah amaw kha rya a lawpya hae.Ref 4.21: Gen 15.18; 2Sh 9.26
22 Solomon hanlan nin kheit athangpaw looh tuh ahoypaw vaekhui kor sung thum, chanvuih kor sung taruh,
23 tangnuapaw athopaw sa haw, rampaeekunaw kya-e vaetua sa kuin te tuu za kheit te sazuh, sakhi, sazaw te thobaleih lan kuapaw pavaw phuin nynh thua.
24 Pawccecize aning nynh Zufrates vaw kyate niccaw lang ram balyn, Tifsah kyate Gaza khua kyacia, Zufrates vaw niccaw lang e siapharan hae balyn kha uk hae zah, teitei lang balyn daenaw a um.
25 Solomon a hiin lungkhu balyn tuh Judah hae te Israel hae tuh Dan kyate Beersheba kyacia, mih misu ku te mih thaeku ku raveih khate khyndadyh lan khua a sah hae.
26 Solomon nynh a marangle a suepaw marang hae kunawpaw marang inn thong sung pali te marang rhawkaw thong haw lae ning kha mah a hoi.Ref 4.26: 1Si 10.26; 2Sh 1.14, 9.25
27 Te Solomon Siapharan te Solomon Siapharan a aenaw ccaboi kalan a thua hae paw balyn hanlan looh kha tuh-e bawi hae nynh lu kheit ze sah kheit ccite ahobounaw a um lei lan a paccyn hae.
28 Minmin nynh mimaw rya raveih thyhte, marang hae te ahyhpaw marang hae hanlan barli te ccatanphue kha ahonaw hmin takyh lang a thuakhaepya hae.
Solomon Hawnaw Minthaannaw
29 Pachia nynh Solomon kha myarya lepaw hawnaw, nythyanaw, rili kin e laesia zeih acihpaw thaethyanaw akopaw kha a pya.
30 Tukeiccuze Solomon hawnaw tuh nithua lang ccungccaw balyn hawnaw te Izip hae hawnaw balyn laeze alehua.
31 Aning tuh humhung laeze a hawhua, Ezrah ccungccaw Ethan te Mahol ccapaw hae Heman, Kalkol te Darda laeze a hawhua; a minthaannaw tuh a pepan e minphuin hae balyn kya pong zeihkuh.Ref 4.31: Sam 89 (Abyalu)
32 Phungtangbya thong thum te hlawphua thong kheit hlaw pangaw a rae.Ref 4.32: Ptb 1.1, 10.1, 25.1; Sol 1.1
33 Lebanon kya apopaw sidar thing kyate tho zah lungrua kya apopaw hyssop ku kyacia thingku kong kha a ho; sarangpaw, pavaw, avawpaw te ngasaw kong kha mah a ho.
34 Solomon hawnaw kha thaetua khylan minphuin takyh kya-e ccungccaw hae nynh oun ccianua hae; minmin tuh a hawnaw kong a thaepaw laephi vaw e siapharan balyn nynh oun saw hae zah oun thua hae.