27
Israel kha Sawkhawnaw
1 Tuin nin khe Bawipaw nynh arysawthahpaw, alesaepaw te athungpaw a thaloi khate a ccuepaw Leviathannote27.1 Leviathan hupi cipaw tuh phungpaw kya a umpaw hupaw min thua zah, asuilan tuh Israel a tuaa a sah hae paw ccungccaw hae ram cipaw nynh thua. hupi, a kuekuhpaw Leviathan hupi kha de a tah cih zah, rili lungkhu umpaw nakaa-hupi kha a theih cih.Ref 27.1: Job 41.1; Sam 74.14, 104.26
2 Tuin nin khe lungpaw lan a umnaw
misu khokhu kong kha
hynhte hlawsah oh!
3 Kae, Bawipaw tuh
misu khokhu a ngawtu nynh ka thua;
khokhu kha atu te atu tui ka bu.
Humhung nynh mah
a ro kho khyh nawlan
khuazi khuadae phang ka rin.
4 Ka thinria vae khyh.
Khah-e khokhu kya
hinpaw phin a um hae ze,
ro lan ka ccianua cih zah,
maee te ka u cih.
5 Tuhkhyhze thungkhawnaw mue khylan
ka kalan beekuh hae sah lah,
kamaw te ccawkunaw rae hae sah,
kamaw te ccawkunaw rae hae sah.
6 Tuin nin vae tuh Jakob nynh
a tharui a saw cih,
Israel tuh apaw paw cih zah a thae cih,
te laephi pynpi kha
athae te phe a biasah cih.
7 Israel kha Bawipaw nynh
a zia a buapaw tuh,
Israel rhaw hae kha
a zia a bua hae hawte athua zawtou?
Israel a theihtupaw kha
chia athua hawte,
Israel kha chia athua zawtou?
8 Bawipaw nynh minmin kha
ramccang lang deenaw khate
de a tah hae;
Nithua lang e khise khate
minmin kha a mungsah hae.
9 Lung rawpaw kha
ditaraw lan koi athua hawte,
silawhang kya-e
lung balyn kha koi zah,
athyaapaw tungpi hae te
mynkhuh unawpaw
silawhang kha he a khulia hae te,
Jakob a cyiseinaw kha a ngaethya cih,
e hynh a seinaw thyaasah
athuanawpaw athae nynh thua:
10 Khualungrua te koihlukuhpaw
khuapi tuh daetedae zah,
ramkaw hawte cciataw te
vuasyapaw ahmin lang nynh a tang vae;
tuin kyakhe vaetuataw hae tuh
a paeekuh hae,
tuin kya rya hae zah
atoih thawpaw kha a bouku hae.
11 Akaran hae tuh
he arou hae te a khya hae;
nopi hae nynh thuanua hae zah
maeething lang a mang hae.
Pawccecize minmin tuh
hawnaw a hoi leipaw
minphuin nynh thua;
tukeiccuze minmin a raetupaw nynh
minmin kha ngaethyaumsah
lan khyh hae zah,
12 Pou Israel ccungccaw hae, tuin nin khe Bawipaw nynh Zufrates vawpi kyate Izip ramri cia ccahyn te ccangphaw phia hawte ae phia cih oh zah, nanning tuh lu kheit koute lu kheit suelua na thua cih oh.
13 Tuin nin vae tuh, mungkae pipi kha tuu athua cih, te Assiria ram kya a zo hae paw te Izip ram lang dee athua hae paw tuh oun thua cih hae zah, Jerusalem khua athyaapaw mua vawlan khe Bawipaw kha a beik cih hae.