12
Lungtuabya Honaw te Thehoysahnaw
1 Tuin nin kya na ho lanpaw tuh:
Pou Bawipaw , na the kae hoysah cih,
ka tungvaw na thinria zemah,
na thinrianaw tuh dae vae zah,
2 Pachia tuh ka khumnaw nynh thua;
amaw kha ka doliakuh cih zah,
ka rih lan khyh,
pawccecize Bawipaw PACHIA tuh
ka thawzung te ka thungnaw nynh thua;
aning tuh yn khumtu nynh thua.Ref 12.2: Exo 15.2; Sam 118.14
3 Nanning nynh lungtuate khumnaw tuisung kya-e tui kha na thekuh cih oh.
4 Tuin nin khe na ho lan oh paw tuh:
Bawipaw kha thehoysah oh,
amaw min kha ko oh;
a cyipaw kha minphuin hae kya nysah oh;
a min tuh hangthung athua cite siakhae oh.
5 Bawipaw kha thehoysahnaw
hlawsahpah oh, pawccecize alesaepaw
uccaw hae kha a rae vae;
e hynh laephi pynpi nynh nyh sah.
6 Zion kya a umpaw miakaw nynh
sia sah lah, hlawsah sah!
pawccecize Athyaapaw Israel Pachia tuh