5
Israel Seinaw keiccu Rawkhuinaw
1 Pou Israel hae, hynh-e kae hopya oh paw
rawkhuinaw bya hynh ngaetua oh:
2 Liaccanung Israel tuh a khuliakuh vae,
thokuh vae lan khyh;
a ram kya a huekuh vae,
aning kha a tho lanpaw lu kheit san um khyh.
3 Bawipaw PACHIA nynh hynhte a ho:
Rhawtuk lan ccungccaw thong kheit
a sawpaw khuapi tuh
milu za kheit kyalya alae vae cih,
ccungccaw za kheit a sawpaw khuapi tuh
lu haw kyalya alae vae cih.
4 Bawipaw nynh Israel hae kha
hynhte a hopya hae:
Kae kha yn ccung oh lah, na hiin cih oh;
5 thuasalama Bethel khua kha ccung nan oh,
Gilgal khua lungkhu lang tee nan oh,
Beersheba khua lang cceih nan oh,
pawccecize Gilgal khua tuh
a kyng cih hae zah
a cciakhae ccaccing cih hae,
Bethel khua tuh
accakaepaw lang a tang cih.
6 Bawipaw kha ccung oh lah,
na hiin cih oh, tuhkhyhze tuh
Josef ciihan hae kha maee hawte a u cih hae,
tuh-e maee nynh Bethel kha
a u cih zah, a thetu um lan khyh.
7 Byading kha eccangkary lang
na tangsah oh zah,
dingnaw kha laekhu lang na vua oh!
8 Awsitaruh te Orion awsiphu kha a raetupaw,Ref 5.8: Job 9.9, 38.31
marae zipingpaw mohnaw kha
awkhua awnaw lang a paleihtupaw,
khuadae kha khuazi lang
a mohsahtupaw,
rili tui kha ko zah laephi vawlan
moh a laetupaw a min tuh
Bawipaw a cikuh;
9 aning nynh mih thawsae hae paw te
rhawlungrua hae kha a ro hae.
10 Minmin nynh koikua kya
dingleinaw a langsakuhpaw te
byaccing a hopaw kha a hua hae.
11 Nanning nynh ryachi hae kha
na syde oh zah,
looh kha na luade oh keiccuze
asuikuhpaw lung te inn na sakku oh zemah
tuh-e inn hae kya na um lan khyh oh;
ry lan umpaw misu khokhu hae kha
na raeku oh zemah,
tuin kya-e misutui kha
na neih lan khyh oh.
12 Nae cyiseimenaw alungpaw te
nae seinaw alungpaw kha phe ka ny—
miding hae kha vawsaw na pya oh zah,
pyaruh kha na lawku oh,
minyaa hae kha byapianaw koikua kyate
atolang na dee oh.
13 Tukeiccuze mihawpaw nynh tuh
tuhcihawpaw ccyh kya
daebabi lan a um;
pawccecize tuh-e ccyh tuh
14 Na hiin ccaw oh,
hoyleinaw kha ccung leite
hoynaw kha ccung oh;
tuhte na cyi oh zetuh, na ho vae oh hawte,
Bawipaw , vaaw Pachia tuh
nae kya a um cih.
15 Hoyleinaw kha hua oh lah,
hoynaw kha ry oh,
byapianaw koikua kya
dingnaw kha tynsah oh;
Bawipaw , vaaw Pachia nynh Josef ciihan
a laehy hae paw kha
16 Tukeiccuze Bawipaw,
vaaw Pachia, Bawipaw nynh hynhte a ho:
Laanpi takyh kya rawnaw a um cih zah,
“Ezou! Ezou!” a ci cih hae.
Loopho hae te a rahthya hae paw kha
raw lan a ko cih hae;
17 misu khokhu hae balyn kya
rawnaw a um cih,
pawccecize kae tuh nae laku kya
po ka cceih cih, cite
Bawipaw Nin
18 Bawipaw nin a ngaehoi hae paw
nanning hanlan ngaethya lan kou um!
Pawccemou Bawipaw nin tuh na ngaehoi oh?
Tuh-e nin tuh moh zah awnaw um khyh;
19 ccungccaw nynh chindeih kyate ccue zah,
vong te a tungku hae hawte athua cih zah,
inn lungkhu lang tee zah
pang kya a hahku lyakhe
hupaw nynh a khy hawte athua cih.
20 Bawipaw nin tuh
awnaw thua leite mohnaw nin nynh thua,
awnaw um leite marae zipaw
21 Nae beiknaw poi hae kha ka hua zah
pawlang ka ria khyh,
athyaapaw nae pumkunaw kha mah
ka lungrythua khyh.Ref 5.21-22: Isa 1.11-14
22 Maee-ute silawnaw te
ccathae silawnaw kha
nae pya oh zemah,
kae ccoupah lan khyh oh;
ccawkunaw silawnaw lante
nae pya oh paw
athopaw nae sahiin hae kha mah
lymaw ka do lan khyh.
23 Na siarua oh paw
nae hlaw roi kha zya dae oh;
nae tintang roi kha ka thae ry khyh.
24 Byading kha tui hawte luasah oh lah,
dingnaw kha akan leipaw
25 Pou Israel hae, silawnawpaw te pyapaw uccaw hae kha ramkaw kya kum sung pali lungkhu ka kalan nae thuakhae oh tou?Ref 5.25-27: Loc 7.42-43
26 Nae siapharan Sakkuth, nae awsi-pachia Kaiwan te na raeku oh paw zohtuh hae kha na lawkuh cih oh;
27 tukeiccuze nanning kha kyngte Damaskas khunglang kae cciakhaesah cih oh, cite a min vaaw Pachia a cikuhpaw Bawipaw nynh a ci.