4
1 Aux tawm lox ka maix ka sivoe Simiang Siyiex mai Yesux Khrit, pa tak sang prawng sang ca ka khawm pui im pui yum, kheu pa lih bleeh Nawh meung Nawh,
2 sidiex gumlox bwan, nied ti coca yam caw bawg yam ang ah, yam ang caw bawg yam ang ah, plak jhi pui yaox phimap mai ah, ne mai jeeh nyaw, gau ka krax pa lang gun lang yeung khawmuik heue.
3 Bawg yam tak sang hoek yam kix tak ang pon kham tix nghiet ka lox gau pa mawh pa meh, kheu ngiex yhaok kix, kix tak sang khrawm sang pum sara cao gau, pa sang hawt alo nex nham kix heue.
4 Kix tak sang veeh yhaok tix ang nghiet ka pa mawh pa meh, tieh ti nghiet ka lox been pa ang tie mawh khankix heue.
5 Maix priex rhawm tix ka daux ku ceu khawmuik, kham geu ka pa nu, yuh kaing sara cao sidiex, yuh ti kieh pa yuh maix grum naog heue.
6 Grawh grawng nawh uik tan aux awm pa prauk rawm tan mai bawg yam lih hu aux hoik hoek heue.
7 Aux hoik yuh naing, naing pa mhawm, aux hoik sidah to, ka krax dee to, aux hoik priex ka krax yum rhawm heue.
8 Jah tom yam in hoik deuh mhok khri pa rahsee son aux, Simiang Siyiex pa mawh cao prawng pa rah pa see tak sang tawx ka aux ka daux singaix an mai ang joeng mawh ngie ka aux viang mawh nan ka khawm pui pa moh ka pa lih bleeh Nawh Cao khawmuik heue.
Lox Tang Tawm Pawlux Ka Timose
9 Nied ti coca sonsang hoek ka aux laung laung,
10 mawh kheu Dema Ref 4:10 Kaw 4:14; Phim 24.hoik prah aux, kheu moh nawh ka haktiex in mai hoik hu ka veng Thesalonix, Krisake hoik hu ka meung Kalatix, Titux Ref 4:10 2Kaw 8:23; Ka 2:3; Ti 1:4. hoik hu ka meung Dalamatix heue.
11 Mawh ngie LukaxRef 4:11 Kaw 4:14; Phim 24. pa ot tau mai aux khaing. Rieb ti teei MakuxRef 4:11 Cau 12:12, 25; 13:13; 15:37-39; Kaw 4:10; Phim 24. mai viex nawh hoek tau mai maix, kheu nawh koe bwanson son aux daux kaing sidiex aux heue.
12 Aux hoik ploi Tukhik Ref 4:12 Cau 20:4; Efe 6:21-22; Kaw 4:7-8.hu ka veng Efesux heue.
13 Yam hoek maix viex sibex dhah pa deuh aux mai Kapux daux veng Troax Ref 4:13 Cau 20:6.mai phuk lai khankix, nie ting mawh ka lai hak khankix heue.
14 Alezandre Ref 4:14 1Ti 1:20.cao tiiem tawng raoh hoik yuh pa caox ka aux tom nie, Simiang Siyiex tak sang deeh tawx ka nawh awm pa hoik yuh nawh heue.
15 Rien rhawm tix ka nawh khawm awx, kheu nawh hoik ting kieh raw ka lox ex heue.
16 Yam tiebtie aux grawng pa deuh phimap ka aux bawg phao ka, ang ot plak aux tix kaux kawx, grham aux khawmuik, paw awt kieh hoek ka piang kix liak.
17 Simiang Siyiex ot plak aux mai baox tiien riang rao ka aux, sonsang pon grum sidiex aux lox bwan mai sonsang pon mhong pui tang ceu khawmuik heue. Hoik taoh aux khaing daux jheeh sivai sangsi heue.
18 Simiang Siyiex tak sang taoh aux khaing kaing pa caox ku ceu mai priex aux tom hoek ka meung raoma cie Nawh heue. Kieh Nawh Cao koe min pakngai ku ju leeing ju liak. Amen.
Lox Nawb bwan
19 Nawb ka Prisikilax mai AkulaxRef 4:19 Cau 18:2. mai pui nyiex Awnesiphaw khankix awx.Ref 4:19 2Ti 1:16-17.
20 Erattux Ref 4:20 Cau 19:22; Rom 16:23.hoik ot khaix ka veng Kawrinthux, viang mawh nan kheu saux Trawphimux Ref 4:20 Cau 20:4; 21:29.aux hoik prah nawh ka veng Meletux heue.
21 Nied ti coca hoek ka sivoe bawg yam kuat awx. Upulux mai Pudix mai Linux mai Klawdix mai puxaik khankix khawmuik, nawb ka maix heue.
22 Kieh Simiang ot tau mai khuan maix liak. Kieh bwanson koe mai maix heue.