9
Can Pui Pa Deuih Khaing Babulon
(Ne 11:1-24)
1 Mawh kheu nan ceu pui Isarelax khankix mawh pa mhai ti deuh awm pa koe doeh ru kix, grawng kix hoik mawh pa tiiem ti deuh ka daux phuk lai been cub simiang Isarelax khankix, mawh kheu pui Yudax khankix mawh pa viex ti hu mawh pa giex laung ka veng Babulon, kheu jao ang kix koe krax pa kaux sijax heue.
2 Cub pui pa liang tix hoek ot ka daux singao haktiex ka daux veng cie kix mawh ceu pui Isarelax, cub cao giex kaing li ceu pui Lewix mai ceu pui khankix pa kham ti yuh kaing jhaw nyiex bwan Siyiex heue.
3 Yam in cub kawn praix ceu pui Yudax khankix hoik ot ka daux veng Yerusaliem, tau mai cub kawn praix ceu pui Benyamin tiblah mai cub kawn praix Epharem khankix mai ceu pui Manashe khankix,
4 Utie mawh kawn simex Amihut, Amihut mawh kawn simex Omri, Omri mawh kawn simex Imarix, Imarix mawh kawn simex Banix, khaing daux doeh ru Pheret pa mawh kawn simex Yudax heue.
5 Khaing daux ceu pui Shilawnix, Ashayax pa mawh kawn Ai mai khawm kawn simex nawh khankix heue.
6 Khaing daux kawn simex Zerax khankix mawh Yuelax mai puxaik nawh pa koe liah yieh tixdim kaux heue.
7 Khaing daux kawn simex Benyamin khankix Sawlux kawn simex Meshulam, Meshulam mawh kawn simex Odavix, Odavix mawh kawn simex Hasenu,
8 Ibaniyax mawh kawn simex Yerawham mai Elam mawh kawn simex Uzix, Uzix mawh kawn simex Mikharix mai Mishulam mawh kawn simex Shephatiyax, Shephatiyax mawh kawn simex Ruelax, Ruelax mawh kawn simex Ibaniyax,
9 puxaik kix khankix awm pa koe doeh ru kix koe been dim yieh tixphwan liah kaux, pui inkix khawmuik mawh cao kaing nyiex ma keeing tix kaux khaing daux doeh nyiex ma keeing kix heue.
Cao Giex Kaing Li Yerusaliem
10 Khaing daux cub cao giex kaing li khankix mawh Yedayax, Yehoyarip mai Yakhin,
11 Azariyax mawh kawn mawh simex Hilakiyax, Hilakiyax mawh kawn simex Meshulam, Meshulam mawh kawn simex Zadok, Zadok mawh kawn simex Merayok, Merayok mawh kawn simex Ahitup pa mawh cao kwang nyiex bwan Siyiex.
12 Adayax mawh kawn simex Yeroham, Yeroham mawh kawn simex Pashurax, Pashurax mawh kawn simex Malakhiyax mai Mashie mawh kawn simex Adelax mai Adelax mawh kawn simex Yazerax, Yazarax mawh kawn simex Meshulam, Meshulam mawh kawn simex Meshilenit, Meshilenit mawh kawn simex Immerax,
13 puxaik kix mawh cao kaing ka daux doeh nyiex ma keeing kix mai kix koe tix rheng aliah yieh tigliah kaux, kix mawh pui pa kied koe riang rao ti yuh kaing jhaw ka daux nyiex bwan Siyiex heue.
Pui Lewix Daux Veng Yerusaliem
14 Khaing daux cub pui Lewix mawh Shemayax kawn simex Hashup, Hashup mawh kawn simex Azarikam, Azarikam mawh kawn simex Hashabiyax khaing daux kawn simex Merarix,
15 Bakbakka, Heresha, Galax mai Mataneyax, pa mawh kawn simex Nikha, Nikha mawh kawn simex Zikharix, Zikharix mawh kawn simex Asapha,
16 Obadix mawh kawn simex Shemayax, Shemayax mawh kawn simex Galax, Galax mawh kawn simex Yedudun mai Berekhix, mawh kawn simex Asa, Asa mawh kawn simex Elakanax pa ot daux yaong ceu pui Netawphah khankix heue.
Pui Lewix Mawh Cao Pau Siviex
17 Cao pa pau siviex khankix mawh Shalon, Akop, Talamon, Ahiman mai khawm puxaik kix, Shalum mawh cao kaing heue.
18 Glang ka an, kix mawh cao pau siviex simiang ka plak lih singaix mai yam in, kix mawh pa pau siviex son dee pan dee paung cub kawn praix pui Lewix khankix heue.
19 Shalum mawh kawn simex Kore, Kore mawh kawn simex Ebiyasap mawh kawn simex Korax mai puxaik nawh khankix khaing daux doeh nyiex ma keeing nawh pa mawh ceu pui Kawritix khankix, mawh cao pa teei beeh glawm son kaing jhaw cao pau siviex ka daux nyiex gox bwan man, keeing kix hoik dawg mawh cao pau diang laig dee pan dee paung cub pui naing Siyiex heue.
20 Phinihat kawn simex Eliaza, mawh cao kaing pa kwang piang kix ka daux bawg yam pa hoik luan mai Siyiex ot tau mai nawh heue.
21 Zakharix mawh kawn simex Meshelemiyax mawh cao pa pau siviex nyiex gox bwan bang kum heue.
22 Can pui pa hoik laug kix mawh cao pau siviex khawmuik koe ra yieh kao ra kaux, kix hoik mhai ti deuh carang kix awm pa koe doeh ru nyiex ma kix, khaing ka daux nyiex yaong kix, simiang Davit mai cao jhai Samoelax, pa yaog kix mawh pui yuh kaing ka daux pa deuh rhawm tix ka kix heue.
23 Mawh kheu nan, tokaux mai kawn praix kix khankix mawh cao pa teei beeh glawm pau siviex nyiex bwan Siyiex, ka daux nyiex gox bwan man pa hoik tawx kix beeh glawm heue.
24 Cao pau siviex khankix ot ti pau plak lih singaix, plak klip singaix, plak laong mai plak seh khawm pon plak heue.
25 Puxaik kix pa ot ka daux nyiex daux yaong khankix hoek ti pau tau mai kix aliah ngaix tix bawg awm bawg yam pa hoik tat kix heue.
26 Cao kaing ting pa pau siviex ceu pui Lewix khankix pon kaux mai mawh pa een kix rhawm tix ka sonsang mawh pa teei beeh glawm ti priex lawg mai kraung khrai sinngao khankix, pa koe ka daux nyiex bwan Siyiex heue.
27 Kix khawmuik paung hawt vung viang nyiex bwan Siyiex kheu mawh pa koe beeh glawm mai kix yaox ti paoh siviex ku ngawb heue.
Grawng Beeh Glawm Ceu Pui Lewix Tang Kaux
28 Khaing daux kix tiblah mawh cub cao pa teei beeh glawm ti priex kraung shiao khankix, kix simin ka kraung an khankix ku bawg yam, teei lih mai yam deeh viex kix hoek heue.
29 Khaing daux kix tiblah hoik mawh pa kwang ka kraung shiao kuceu mai kraung shiao ka dee pa singax singeh mai ka phawng nghox ceu pa mhawm, rawm plix siiet, bee, sidah bhawng Lawban mai nyawng bhawng pa sang tok kix heue.
30 Khaing daux kawn simex cao giex kaing li khankix tiblah mawh cao pa yuh bee pa krai ka ceu pa sioe bhawng khankix heue.
31 Matithix, ceu pui Lewix pa mawh kawn Ai Shalum, paox nyiex ma Korax mawh cao pa een kix rhawm tix mawh pa kwang ka ceu blah pa tong tix ka plah rhiem heue.
32 Puxaik kix tiblah khaing daux kawn simex Kawhat khankix, mawh cao teei beeh glawm khre rien blah pa sang khan ku singaix twah heue.
33 Pui inkix mawh cao pa rhax lai mai mawh cao kaing khaing daux doeh nyiex ma keeing kix ceu pui Lewix khankix, pa paung pa ot ka daux lawg nyiex bwan khankix mai kix ang lai yaox ti yuh kaing tang ceu; mawh kheu yaox kix ti teei beeh glawm yuh kaing jhaw nyiex bwan ku singaix heue.
34 Cub pui inkix daux doeh nyiex keeing kix ceu pui Lewix hoik mawh cao kaing leeing ju ka daux doeh ru kix heue. Kix hoik ot ka veng Yerusaliem heue.
Grawng doeh Nyiex Ma Sawlux
35 Yelax pa mawh keeing Gibeon hoik pang ka veng Gibeon mai ceu kaux moeng nawh mawh Makha heue.
36 Kawn Ai nawh mawh Abadon mai khaix an mawh Zurax, Kisha, Balax, Nerax, Nadat,
37 Gedo, Ahio, Zekharix mai Mikalot khankix heue.
38 Mikalot hoik pon kawn simex tix Shimean heue. Kix ot dex baoh paox nyiex ma tix khankix ka daux veng Yerusaliem, tau mai puxaik tix khankix heue.
39 Nerax pon kawn tix Kishax, Kishax pon kawn simex tix Sawlux mai Sawlux pon kawn simex tix Yawnasan, Makhishua, Abinadat mai Eshabalax khankix heue.
40 Kawn simex Yawnasan mawh Meritbalax mai Meritbalax pon kawn tix Mikha,
41 Kawn simex Mikha khankix mawh Piton, Meliet, Tarix mai Ahaza heue.
42 Ahaza pon kawn tix Yarax mai Yarax pon kawn tix Alimiet, Azamaviet mai Zimrix mai Zimrix pon kawn tix Moza,
43 Moza pon kawn tix Binea, Binea pon kawn tix Rephayax, Rephayax pon kawn tix Eleasa, Eleasa pon kawn tix Azelax heue.
44 Azelax koe kawn simex liah kaux mai ceu kaux kix mawh Azarikam, Bokherux, Ishamelax, Sheriyax, Awbadix mai Hanan heue. Inkix hoik mawh kawn simex Azalax heue.