1 Hoek heue, ex rhax lai gaux rhawm gaux rhi ka Siyiex heue. Ah lox pa gaux rhawm gaux rhi pa sinum ka rang Cao pa taoh ex heue. 2 Yaogyaw bwanson Nawh, hu plak sivoe ngai Nawh mai ah lox rhax yaogyaw mai kok yo lox sinum ka Nawh heue. 3 Grawh grawng nawh, Siyiex mawh pa ting lhaong khaing khawmuik, Nawh mawh Simiang pa ting piang siyiex khawmuik heue. 4 Dee kied raux haktiex khankix, koe ka daux tawm taix Nawh, gawng ting gawng lhaong khankix kawx, mawh cie Nawh Cao heue. 5 Rawm sigrit sigra kawx, mawh cie Nawh mai mawh pa hoik phan hoik yuh Nawh mai haktiex caong raog khankix kawx mawh pa hoik yuh Nawh ka taix tix heue. 6 Hoek heue, ex num ti krub ka Nawh mai grux ngawng sivoe ngai Siyiex, Cao pa phan pa deuh ka ex. 7 Grawh grawng nawh, Nawh Cao mawh Siyiex ex mai ex mawh pui pa hoik sax sawm mai Nawh mai mawh cub yung pa ot greem tawm taix Nawh heue. 8 Ka daux singaix, phan pex mhong lox plak jhi Nawh, Ref 95:7-8 He 3:15; 4:7. paw kieh rhawm pex kiien. 9 Yam ot keeing pex, tax pex ka daux tiag Meribax tixpon num mai kix cheuk cheu laklheut ti yaox ka Aux kuceu, viang kix hoik yaox ka kaing ceu pa hoik yuh Aux khankix kawx, kix yuh ti mawh tang plak, Ref 95:8, 9 Lih 17:1-7; Si 20:2-13. mawh kheu nan, Aux tom seeing brai ka ceu pui in khankix. 10 Ah nin, “kix mawh pui pa koe rhawm pa chix lud loe heue. Kix ang tawng ka daux krax dee hu dee hoek Aux heue.” 11 Mawh kheu nan, Aux kied song rhawm mai tiextu ti ah nin, “Kix tak ang pon ti laig ka daux dee laux lee Aux heue.”Ref 95:11 Si 14:26-35; Pi 1:34-36; He 4:3, 5.Ref 95:7-11 He 3:7-11.