1 Kawn pui piang haktiex khawmuik eue, ah lox sinum yaogyaw ka Siyiex awx. 2 Rhax lai yaogyaw min plakngai ceu kaux Nawh Cao mai plak jhi min plakngai Nawh mai yaogyaw ka Nawh Cao heue. 3 Krax pa prawng ca Maix mawh pa kied daox am mai kheu kied ting sibrawm Maix mai pui pa koeng ka Maix khankix, lhat graung mai khyox khaw ka Maix heue. 4 Kawn pui piang haktiex khawmuik tak krub ka Maix mai rhax lai yaogyaw ka Maix heue, Kix rhax lai yaogyaw ka ceu kaux Maix heue. 5 Hoek ti jhak ka krax prawng ca pa yuh Siyiex khankix mai krax prawng ca Siyiex ka kawn pui mawh ceu pa daox am heue. 6 Nawh Cao kieh rawm sigrit sigra kroh huRef 66:6 Lih 14:21. mai lih mawh tiex mai kix pon ti hu ka caong tix heue. Ex gaux rhawm ka daux Siyiex ka dee an heue. 7 Nawh Cao giex kaing ka daux sibrawm Nawh jheung jheung heue. Ngai Nawh Cao jhak ka kawn pui kuceu, paw lai kieh pui pa thiang ti tik ka Nawh yaogyaw tokaux tix ting tiru heue. 8 Ceu kawn pui khawmuik eue, yaogyaw ka Siyiex ex awx, rhax lai yaogyaw ka bwanson Nawh Cao ka lox pa sinum heue. 9 Grawh grawng nawh, Maix kieh ex im ju mai ang kieh caong ex cang klad heue. 10 Siyiex eue, Maix hoik cheuk ti yaox aux, awm mau pa hoik thi heue. 11 Maix hoik kieh ex krix ka daux kie mai hoik sau kraung pa cien ka piang blawg ex heue. 12 Maix hoik kieh pui dig piang kaing aux, viang aux yaox ti hu daux ngu daux rawm kawx, mawh kheu bwanson Maix aux hoek dee nyaw rhawm nyawm rhi heue. 13 Aux viex krax tan lu mai gleeing ti tan ka daux nyiex Maix heue. 14 Yam yaox aux krax pa kha rhawm, siyieb jheeh aux mai jheeh aux krai lox sijax mukheu pa hoik yuh aux mai Maix heue. 15 Aux tak sang teei ti tan yung pa kluing pa bee mai ceu pa sioe baux mai gleeing ti tan ka Maix khawm mawie khawm pex heue. 16 Pui pa lhat graung ka Siyiex khankix khawmuik eue, hoek ti nghiet heue. Aux tak sang krai pex mhong grawng pa hoik yuh Nawh bwanson ka ju aux heue. 17 Jheeh aux kok yo ka Nawh Cao mai dak aux kawx, yaogyaw ka Nawh heue. 18 Phan aux koe phimap ka daux rhawm tix, Siyiex ang nghiet ka lox pa rawg aux. 19 Yam in Siyiex hoik nghiet mai deuh ti tawng ka lox pa rawg aux bwan heue. 20 Siyiex ang tik ka lox pa rawg aux bwan mai ang lai deeh teei ka bwanson pa hoik tawx ka aux, kieh Nawh koe bwanson liak.