YAOGYAW 130
1 Siyiex eue, aux ot ka dee raux dee nu mai kok yo ka Maix heue.
2 Siyiex eue, veeh yhaok Maix, mhong ka lox aux mai nghiet ka lox pa rawg aux bwan liak.
3 Siyiex eue, phan Maix tiem ti deuh ka phimap ex, pui mawx pon ti cung sivoe Maix.
4 Pa chix ploi phimap mawh Maix, kieh ex lhat graung ka Maix heue.
5 Aux krox ka Siyiex, ju aux kawx, krox jun ka Maix heue.
6 Aux krox jun ka gumlox Maix mai ju aux kawx, krox jun ka Siyiex nie lheu khaing kix, pa krox jun yam bah riang praix ponngawb heue.
7 Ceu pui Isarelax eue, krox jun ka Siyiex liak, grawh grawng nawh, krax caux rhawm mai bwanson krax taoh koe mai Siyiex tom nie heue.
8 Nawh Cao taoh ti teei ceu pui Isarelax khaing daux phimap khawmuik heue.Ref 130:8 Mat 1:21; Ti 2:14.