YAOGYAW 114
1 Yam lih pui Isarelax ru Yakop khaing dee ot ceu pui pa caox khankix khaing meung Ejiptux, Ref 114:1 Lih 12:51.
2 Ceu pui Yudax mawh dee pa singax singeh mai ceu pui Isarelax mawh dee giex Nawh Cao kaing heue.
3 Rawm sigrit sigra yaox kawx to heue.Ref 114:3 Lih 14:21. Rawm Yawdan yaox kawx, deeh vai tix plak khaix heue.
4 Gawng ting khankix, jaloh tix awm yung mhaing mai gawng iak khankix, jaloh tix awm kawn yung heue.
5 Rawm sigrit sigra eue maix to yuh ka mawx? Awm Yawdan eue maix deeh vai tix plak khaix yuh ka mawx?
6 Gawng ting eue maix jah loh tix awm yung mhaing yuh ka mawx? Gawng iak eue maix jah loh tix awm kawn yung yuh ka mawx?
7 Haktiex eue, ot siyaung sivoe ngai Siyiex, pa mawh Siyiex Yakop heue.
8 Nawh Cao kieh simaox mawh rawm nhawngRef 114:8 Lih 17:1-7; Si 20:2-13. mai kieh rang mawh rawm keut heue.