YAOGYAW 100
1 Kawn pui haktiex khawmuik eue, kok yo lox sinum ka Siyiex heue.
2 Gaux rhawm mai yuh kaing jhaw Siyiex awx. Ah lox rhax pa gaux rhawm mai hu plak sivoe ngai Nawh Cao heue.
3 Pex deuh ti tawng, Siyiex mawh Siyiex leeing ju awx. Nawh mawh Cao pa phan pa yuh ka ex mai mawh Siyiex ex, ex kawx mawh pui Nawh mai cub yung sawm dex Nawh heue.
4 Rieb ti teei ka bwanson Nawh pa kied ting mai laig ka daux siviex Nawh mai viex min pakngai Nawh laig ka dee ot Nawh heue. Yaogyaw ka bwanson Nawh mai yaogyaw ka ceu kaux Nawh heue.
5 Grawh grawng nawh, Siyiex mawh pa jiet mhawm heue. Krax pa caux rhawm Nawh koe jheung jheungRef 100:5 1Been 16:34; 2Been 5:13; 7:3; Eza 3:11; Yaog 106:1; 107:1; 118:1; 136:1; Ye 33:11.s mai sijax mukheu Nawh mawh pa kaux cong ku ju leeing ju heue.