11
(1Been 9:1-34)
1 Cub cao kaing pui khankix hoik ot ka daux veng Yerusaliem mai cub pui pa kawn deuk khankix hoik nieb ti yaox khaing daux pui kao kaux, tix kaux an tak tawx ot daux veng Yerusaliem veng pa singax singeh mai pa kawn deuk dim kaux khaing kao kaux an, tak ot ka daux veng tang dah dee heue.
2 Pui khawmuik nawb bwan piang pui khankix pa hoik koe rhawm tix ot ka daux veng Yerusaliem heue.
3 In mawh cao kaing khankix khaing kien haktiex an pa hoek ka daux veng Yerusaliem heue. Viang mawh nan, pui pa hoik tang ot ka veng ka nyiex yaong cao tix ka daux haktiex Yudax mawh pui Isarelax mai cao giex kaing li, pui Lewix, pui kham ti yuh kaing jhaw nyiex bwan Siyiex mai khawm doeh ru kawncau simiang Sawlamon khankix heue.
4 In mawh cub kawn praix ceu pui Yudax mai kawn praix ceu pui BinyaminRef 11:3-4 Ne 7:73. khankix pa ot ka daux veng Yerusaliem tan, kawn praix ceu pui Yudax khankix mawh Atayax kawn simex Urix kawn simex Zakharix, kawn simex Amarix, kawn simex Shephatix, kawn simex Mahalalelax, cub kawn praix Pariet khankix,
5 mai Maseyax kawn simex Baruk, kawn simex Kholahozie kawn simex Hazayax, kawn simex Adayax, kawn simex Yoyarip, kawn simex Zakharix, kawn simex Shilonix heue.
6 Cub kawn simex Pariet pa ot ka daux veng Yerusaliem khawmuik, koe pon yieh tixgliah daix kaux, pa mawh pui pa koe rhawm vao rhawm kwa heue.
7 Inkix mawh cub kawn simex Salux kawn simex Meshulam, kawn simex Yodax, kawn simex Pedayax, kawn simex Kolayax, kawn simex Meseyax, kawn simex Itelax, kawn simex Yeshayax,
8 mai khaix nawh mawh Gabie mai Salie khankix, koe dim yieh tixnga daix kaux heue.
9 Yolax kawn simex Zakharix, tom mawh cao kaing kix mai Yudax kawn simex Senua mawh cao kwang veng ra kaux heue.
10 Khaing daux cub cao giex kaing li khankix mawh Yedayax kawn simex Yoyarip mai Yakhin,
11 Serayax kawn simex Hilakix, kawn simex Meshulam, kawn simex Zadok, kawn simex Merayot, kawn simex Ahitup; mawh cao kaing nyiex bwan Siyiex heue.
12 Puxaik kix pa yuh kaing nyiex bwan khankix koe daix yieh tixnga ra kaux mai Adayax kawn simex Yeroham, kawn simex Pelalix, kawn simex Amazix, kawn simex Zakharix, kawn simex Peshurax, pa deeh mawh kawn simex Malakhiyax,
13 mai puxaik nawh pa mawh cao kaing daux nyiex ma keeing kix koe ra yieh tixpon ra kaux mai Amashen kawn simex Azarelax kawn simex Ahazen kawn simex Meshilamot, kawn simex Imarax,
14 mai puxaik kix pa mawh pui pa kied ting riang rao mai pa koe rhawm vao rhawm kwa khankix, koe tix yieh tixnga daix kaux, cao kaing kix mawh Zabadelax kawn simex Hagadoling heue.
15 Ceu pui Lewix khankix mawh Shemayax kawn simex Hashup, kawn simex Azarikam, kawn simex Hashabix, kawn simex Bunnix;
16 Shababetie mai Yozabat, cao kaing pui Lewix khankix, mawh cao pa kia ngiien kaing jhaw plak ka praix nyiex bwan Siyiex,
17 Mai Matania kawn simex Mikha, kawn simex Zabadix, kawn simex Asapha, pa mawh cao kaing pa thong kix jhak krax yaogyaw bwanson tau mai krax rawg bwan mai Bakabukiyax mawh ra kaux tix kaux khaing daux sinax puxaik nawh khankix mai Abada kawn simex Shammua, kawn simex Kalalax, kawn simex Yedutun heue.
18 Pui Lewix pa ot ka daux veng pa singax singeh khawmuik koe ra yieh tidaix pon kaux heue.
19 Lheu khaing an cub cao pau siviex khankix mawh Akkup, Talamon, mai cub puxaik kix pa priex rien ka siviex khankix koe tix yieh atixgliah ra kaux khawmuik heue.
20 Can pui Isarelax pa kawn deuk pa mawh cao giex kaing pui Lewix khankix, pa ot ka daux veng nyiex yaong haktiex Yudax khankix mai pui ku kaux hoik tang ot ka daux haktiex sinngao cie tix heue.
21 Viang mawh nan, pui kham ti yuh kaing jhaw nyiex bwan Siyiex khankix ot ka daux Ophilax heue. Ziha mai Gishapax mawh cao kwang piang cao kham ti yuh kaing jhaw nyiex bwan Siyiex heue.
22 Cao pa kia nghiet piang pui Lewix pa ot ka daux veng Yerusaliem khankix mawh Ozix kawn simex Banix, kawn simex Hashabix, kawn simex Asapha cao pa rhax lai khankix mawh cao kia ngien kaing jhaw Siyiex heue.
23 Grawh grawng nawh simiang tawx lox ka son grawng kix cub pa rhax lai sonsang pon kix nyum pa ih pa caw kix tix pon tix ngaix hoik tix ngaix heue.
24 Petahix kawn simex Meshezabelax pa kaoh khaing cub kawn praix Zerax kawn simex Yudax mawh cao kaing son grawng kaing kuceu piang pui haktiex greem simiang heue.
25 Pui tom nie ot ka dee dex kaing ma nyiex yaong tix khankix, kawn praix ceu pui Yudax tiblah ot ka daux veng Kirayatabax mai nyiex yaong an khankix, veng Dibon mai nyiex yaong an khankix,
26 ka aux veng Yeshu, veng Moladax, veng Bietpeliet,
27 Veng Haza, Shualax mai veng Berashebax mai nyiex yaong an khankix,
28 ka daux veng Zikalat mai veng Hiekona mai nyiex yaong an khankix,
29 ka daux veng Enrimon, veng Zorax, veng Yamut,
30 veng Zanaw, veng Adalam mai nyiex yaong kix khankix, ka daux veng Lakhisha mai tong kaung an khankix; ka daux veng Azaka mai nyiex yaong an khankix heue. Kix hoik ot baoh an, jah khaing veng Berashebax tom hoek ka daux ngawd Hinnom khankix heue.
31 Cub kawn praix ceu pui Binyamin pa kaoh khaing veng Gebax khankix hoik ot ka dax veng Mimat veng Aija mai veng Betelax mai nyiex yaong kix khankix,
32 Ka daux veng Anatok, veng Nobax, veng Ananix,
33 Ka daux veng Hazo, veng Rama, veng Gittem,
34 Ka daux veng Hittix, veng Zebom, veng Nebalat,
35 Ka daux veng Lodax, veng O maw mai ka daux ngawd pui chix yuh kaing tix khankix heue.
36 Cub pui Lewix pa ot ka daux haktiex Yudax hoik gwieh tix ot ka daux haktiex Binyamin heue.