1 Jhak ka kawncau Aux, pa yaog Aux kah,Ref 42:1 Mat 3:17; 17:5; Mak 1:11; Luk 3:22; 9:35. pa mawh pui laug Aux, pui pa khaw rhawm Aux, Aux hoik deuh khwan tix ka piang nawh, nawh tak viex pa rahsee hoek ka pui kuceu. 2 Nawh tak ang yo mai ang ploi lox tix mai ang kieh pui mhong ka daux krax. 3 Nawh ang raig gawng priem graig mai ang preet ka ngu pa hoik laix yeet, Nawh tak viex pa rahsee mai pa mawh meh hoek. 4 Tom sidah ang Nawh nyang pang pa rahsee ka piang haktiex, Nawh ang khrup rhawm, ang laux rhawm mai ka piang haktiex krox jun ka gumlox Nawh.Ref 42:1-4 Mat 12:18-21. 5 Siyiex pa phan raoma mai pa nih an khankix, pa tawm ti deuh haktiex mai can pa kaoh khaing daux haktiex, Ref 42:5 Cau 17:24-25. Cao tawx bhawm ka kawn pui pa ot ka piang haktiex, ah nin. 6 “Aux mawh Siyiex hoik kok maix hoek ka daux pa rahsee, Aux tak giex mai priex ka maix, Aux hoik kieh maix mawh lai sijax mukheu son pui kuceu mai pa riang ka pui tang ceu.Ref 42:6 Isa 49:6; Luk 2:32; Cau 13:47; 26:23. 7 Sonsang paoh ka ngai dug mai sonsang ploi pui pa laig thawng lih khaing daux thawng mai viex pui ngawm daux pa faik lih khaing ka daux nyiex thawng. 8 Aux mawh Siyiex, in mawh ceu kaux Aux, Aux tak ang tawx min pakngai tix ka pui tang kaux mai ang tawx krax pa yaogyaw tix ka riang rao saik khankix. 9 Jhak heue, grawng pa dawg koe hoik lih tix mawh, Aux jhi ka ceu pa khraox, sivoe sang bleeh ceu an mai Aux hoik krai pex mhong kah heue.

10 Pui pa tiang ka rawm sigrit sigra mai can pa ot ka daux an, pa ot ka klawn tiex rawm sigrit sigra mai pa ot ka daux an khankix eue, rhax lai pa khraox ka Siyiex mai yaogyaw Nawh Cao tom deeh sidah sidu haktiex. 11 Kieh daux tiagtu mai veng pa koe daux an yaog lox tix lhaong, khawm nyiex yaong pa ot pui Kedax ka, kieh pui Selax ah lai rhax gaux rhawm mai kieh yo lox ka piang choek gawng khankix. 12 Kieh kix tawx min pakngai ka Siyiex mai yaog yaw Nawh Cao ka klawn tiex rawm sigrit sigra. 13 Siyiex tak lih awm pui naing pa ting riang mai so rhawm rhi tix, awm pui naing, Nawh Cao tak kok yo mai kok yo lox ting lhaong, Nawh Cao tak pex ka pui pa koeng Nawh Cao heue.

14 Aux hoik ot yawg rheung nyao, mawh kawn sang ot Aux awm an mai kham geu ka lie? Aux tak yo awm bun kha rhawm yam sang keh tix, Aux tak toek bhawm taug tix mai deeh ploi bhawm ting tix lih. 15 Aux tak kieh gawng ting gawng iak riem mai kieh plix khaox taux lhax fit, Aux tak kieh rawm klawng mawh klawn tiex mai kieh rawm nhawng hit. 16 Aux tak tuk pui duk hu krax pa ang kix tawng, Aux tak thong kix hu ka krax ang kix tawng. Aux tak kieh pa faik mawh pa riang ka plak sivoe kix mai kieh krax vawk mawh pa rauh, Aux tak yuh ceu in khankix ka son kix mai ang tik vud kix. 17 Pui pa een rhawm ka riang rao pa saik mai pa ah nin ka pui raug riang rao an, “Maix mawh siyiex yix, “Kix tak deeh veeh tix plak khaix mai hoek krax kaig pa ting lhaong. 18 Pui lheet eue, nghiet heue, pex pa dug eue, jhak heue, pex tak yaox. 19 Lheu khaing kawncau Aux, mawh mawx pa dug, mawh pui mawx pa lheet awm cao cau ploi Aux, mawh pui mawx pa dug awm paox grawm Aux mai pui mawx pa dug ngai awm siliex Siyiex lie? 20 Viang maix yaox kuceu kawx mai ang tie priex ti deuh, viang yhaok nawh bhang kawx, nawh ang chix mhong.

21 Siyiex khaw rhwm kheu pa rahsee tix, kieh lox tat jhawm prawng tix ting lhaong mai koe min plakngai. 22 Pui in khankix mawh pui pa kham krax tud krax rhim, kix khawmuik hoik laung tix daux tiex mai mox tix ka daux thawng, yam yaox kix krax laux leeing ang koe pui taoh ka kix, kix mawh pui pa giex laung ang koe pui pa ah nin, deeh tawx heue.” 23 Pui mawx ka daux pex, pa daong yhaok ti nghiet mai sonsang nghiet tix ka mhawm mhawm. 24 Pui mawx pa ap Yakop ka pui tud rhim mai pui Isarelax, ka daux taix pui con lie? Ang mawh Siyiex, pa lud ex ka lie? pa ang kix hawt khaix Nawh mai ang cu nghiet ka lox tat jhawm prawng Nawh Cao. 25 Mawh kheu nan, Nawh Cao klup krax song rhawm tix ka piang kix mai kieh naing hoek ka piang kix mai kieh ngu proe rawb reem kix, kix ang doh rhawm ka mai ngu an gleeing ka kix, viang mawh nan kix ang een ka daux rhawm tix heue.