3
1 Mawh kheu nan yam ang ex lai baox pon yeung, ex keud mhawm ti sang ot khaix ka daux veng Athen nong nong,Ref 3:1 Cau 17:15.
2 mai ploi Timose puxaik ex, pa mawh kawncau pa yuh kaing jhaw Siyiex ka pa sidiex lox bwan gaux rhawm cie Cao Khrit, hu sonsang kieh pex kaux cong mai nyawm rhawm ka krax yum rhawm pex,
3 son ang pex sang laux rhawm tix kaux kawx, kheu krax kha rhawm inkix heue. Tokaux pex hoik tawng, grawng hoik ciak ti deuh ex son pa yuh nin heue.
4 Yam ot ex tau mai pex, ex hoik grux krai ka pex, grawng dex sang yaox ex ti kham geu ka krax tug krax kha mai hoik lih ti mawh nan, awm pa hoik tawng pex heue.
5 Mawh kheu jao in aux kawx, yam ang aux baox pon ti yeung, aux ploi pui hu, sonsang tawng grawng krax yum rhawm pex, phan ang mawh nan ha cao pa nyaw glaw kox nyaw glaw ka pex mai kieh kaing pa hoik yuh ex mawh pa giex going.
6 Viang mawh nan Timose hoik deeh hoek khaing pex, Ref 3:6 Cau 18:5.ka ex yam in mai viex lox gaux rhawm ka ex grawng krax yum rhawm mai krax moh krax rhawm pex mai grawng pa doh keud pex ka ex jheung jheung mai kied byaong ti yaox ka ex, ex kawx byaong ti yaox ka pex heue.
7 Puxaik khankix eue, mawh kheu jao in, ex tom nyawm rhawm grawng pex, ka daux pa khi rhawm mai pa tug pa kha ex khawmuik, kheu krax yum rhawm pex heue.
8 Phan pex kaux cung sijung ka daux Simiang, ex hoik im heue.
9 Ex tak sang baox deeh pon yaogyaw bwanson ka Siyiex son pex, son krax gaux rhawm khawmuik, pa gaux rhawm ex kah kheu pex, sivoe Siyiex ex,
10 sonsang pon ex ti yaox pakngai pakbaox pex mai sonsang pon ti kieh grum naog, ka pa kawn cha daux krax yum rhawm pex, ex tom nied ti rawg bwan ku ngaix heue.
11 Yam in kieh tokaux Keeing ex Siyiex mai Simiang ex Yesux Khrit, jhi krax sang hu ex ka pex liak,
12 Simiang Yesux kieh krax moh krax rhawm pex nie baox ting ka paox tix mai ka pui khawmuik, awm ex kawx moh ka pex,
13 sonsang sidah kieh Nawh Cao rhawm rhi pex kaux cong mai ang koe dee deuh phimap ka daux pa singax singeh sivoe Keeing ex Siyiex, yam sang hoek Simiang ex Yesux, tau mai pui pa singax singeh Nawh khawmuik liak.