1 Gumlox plak jhi pa hoik pon Amot cao liang yung yaong Tekua ka son grawng haktiex Isarelax ka baux singaix kwang Uziyax,Ref 1:1 2Sim 15:1-7; 2Been 26:1-23. simiang haktiex Yudax mai ka baux singaix Yerobom, Ref 1:1 2Sim 14:23-29.kawn simex Yawsha, simiang haktiex Isarelax sivoe yam tok kla reem ra num heue. 2 Nawh ah nin, “Siyiex briah lox tix lih khaing ka piang gawng Zion mai yo lox tix lih khaing daux veng Yerusaliem, Ref 1:2 Yol 3:16.biang dee klai rib cao pa liang yung khankix koe krax khi rhawm mai choek gawng Kharamelax tak sang kroh kroing ti fit hu heue.

3 Siyiex ah nin, “Mawh kheu lud veng Damase ang joeng mawh loe ceu, mawh pon ceu, Ref 1:3-5 Isa 17:1-3; Ye 49:23-27; Zak 9:1.aux tak ang yoi krax song rhawm aux ka piang kix heue. Grawh grawng nawh, kix hoik pah haktiex Gilat ka kraung cag rhiem pah nghox heue. 4 Aux tak sang ploi ngu lih ka daux nyiex haw Hazalax, pa sang proe ti tik nyiex haw simiang Benhadat khankix heue. 5 Aux tak sang raig pot ka jhong siviex veng Damase mai tat ti tik pui pa ot baoh tan khaing daux lung Avin mai khawm pui pa jhawp sibrawm khaox krong pliah khaing veng Bieteden an heue. Pui haktiex Surix tak sang yaox ti hu awm pui pa giex laung ka veng Kirax heue.” 6 Siyiex ah nin, “Mawh kheu lud veng Gaza ang joeng mawh loe ceu, mawh pon ceu, Aux tak ang lai yoi krax song rhawm aux ka piang kix heue. Grawh grawng nawh, kix hoik giex ti viex pui khawmuik hu ap ti tawx kix ka haktiex Edom heue. 7 Aux tak ploi ngu lih ka piang guh veng Gaza, pa tak sang proe ti tik nyiex haw nawh khankix heue. 8 Aux tak sang tat ti tik pui pa ot ka daux veng Ashadawt mai pui pa jhawp sibrawm khaox krong pliah khaing daux veng Ashakelon, Aux tak sang deeh veeh taix tix hoek ka piang Ekaron mai pui Philitix, Ref 1:6-8 Isa 14:29-31; Ye 47:1-7; Yez 25:15-17; Yol 3:4-8; Ze 2:4-7; Zak 9:5-7.pa kawn deuk an khankix, tak grai heue. Siyiex ah nan heue. 9 Siyiex ah nin, “Mawh kheu lud veng Turux, Ref 1:9-10 Isa 23:1-18; Yez 26:1-28:19; Yol 3:4-8; Zak 9:1-4; Mat 11:21-22; Luk 10:13-14. ang joeng mawh loe ceu mawh pon ceu, Aux tak ang lai yoi krax song rhawm aux ka piang kix heue. Grawh grawng nawh, kix hoik ap ti tawx pui khawmuik ka haktiex Edom mai ang koe krax doh keud ka sijax mukheu pa yuh paox pie puxaik tix heue. 10 Aux tak sang ploi ngu hoek ka piang guh veng Turux, pa tak sang proe ti tik nyiex haw nawh khankix heue. 11 Siyiex ah nin “Mawh kheu lud haktiex Edom, Ref 1:11-12 Isa 34:5-17; 63:1-6; Ye 49:7-22; Yez 25:12-14; 35:1-15; Aw 1-14; Ma 1:2-5.ang joeng mawh loe ceu mawh pon ceu, aux tak ang lai yoi krax song rhawm aux ka piang kix heue. Grawh grawng nawh, nawh hoik hawt ti pheet puxaik tix ka vaig mai ang koe krax pa caux rhawm, krax pa song rhawm nawh mai pa riah nawh ti tik koe sijheung mai nawh hoik deuh krax pa saux rhawm koe leeing ju heue. 12 Aux tak sang ploi ngu hoek ka piang veng Teman, pa tak sang proe ti tik nyiex haw veng Bawzarax khankix heue. 13 Siyiex ah nin “Mawh kheu lud pui haktiex Amon khankix, Ref 1:13-15 Ye 49:1-6; Yez 21:28-32; 25:1-7; Ze 2:8-11.ang joeng mawh loe ceu mawh pon ceu, aux tak ang lai yoi krax song rhawm aux ka piang kix heue. Grawh grawng nawh, kix hoik pih daux vaig bun pa koe kaux khankix ka daux haktiex Gilat, sonsang yuh kix dee kwang tix vieh va heue. 14 Aux tak sang keeig ngu ka piang guh veng Raba, pa tak sang proe ti tik nyiex haw nawh khankix ka daux singaix koe naing pa riag yo mai yam phlu bhaung ting kang lux heue. 15 Simiang mai simiang kix tak sang kham ti hu ka daux krax pa giex laung tau heue. “Siyiex ah nin heue.