Late 82
1 Pasian in thu vaihawm kikhopna sungah ama panmun hong len a, amah in pasiante lakah thu a khen hi.
2 “Note in bang tanvei amaan loin thu khenin, migilote tungah angvanna zang ding na hi uh hiam?
3 A ginalote leh pa nei lote tungah thuman un la, a thuakte leh a cimawhte’ thumanna kipsak un.
4 A ginalote leh a cimawhte hon un la, migilote’ khut sung panin amaute honkhia un.”
5 Amaute in thu-theihna ahi a, thutelna ahi zongin nei lo uh a, amaute khuamial sungah gamta uh hi; leitung bulpite khempeuh kiling hi.
6 Ke’n kong cih-inah, “Note khempeuh in, Sang Penpa’ tate, pasiante, na hi uh hi;
7 Ahi zongin, mite bangin si-in, kumpi khat peuhpeuh bangin na kia ding uh hi.”
8 Pasian aw, tho in, leitung thu khen in; bang hang hiam cih leh minam khempeuh nangma’ aa ahi hi.