Late 70
1 Pasian aw, keimah hong honkhia nuam in! Topa aw, keimah huh dingin hong manlang in!
2 Kei, thah hong sawmte maizumin kibuaigawpsak in! Keima siat nading a deihte nungkiksak in la, mindaisak in!
3 “Ha, ha!” a cite, a maizumna uh tawh maikhingsak in!
4 Nangmah hong zongte khempeuh lungdamin nangma sungah kipak ta hen! Na hotkhiatna a deihte in, “Pasian in lian hi!” ci ci ta hen.
5 Ahih hangin keimah zawng-in ka cimawh hi, Pasian aw, hong manlang in! Nangmah in keimah huhpa leh hong honkhiatpa na hi hi; Topa aw, hong zekai kei in!