3
1 Tua ciangin siampi lian Eliashib leh a siampi pihte in nasep kipanin Tuu Kongpi bawl uh hi. Amaute in a khuamte leh a zawlte bawlin a kongkhakte bulh uh hi; amaute in Mi Za Khat Tausang ciang banah Hananel Tausang dong sem uh a, tua ciangin Pasian tungah ap uh hi.
2 Ama zomah Jerikho khuamite in sem uh hi. Amaute’ zomah Imri’ tapa Zakkur in sem hi.
3 Tua ciangin Hassena-ah’ tapate in Ngasa Kongpi bawl uh hi; amaute in a zawlte khungin a kongkhakte a kalhna tawh bulh uh hi. \v 4 Amaute’ zomah Hakkoz’ tapa Uriah, a tapa Meremoth in ama khawk sung puah hi; tua zomah Meshezabel’ tapa Berekhiah, a tapa Meshullam; tua zomah Baana’ tapa Zadok in puah hi; \v 5 a zom kikah Tekoa khuamite in puah uh a, ahi zongin amau’ uliante in nasem makaite nuai-ah na sem nuam lo uh hi.
6 Tua ciangin Paseah’ tapa Joiada leh Besodeiah’ tapa Meshullam in Jeshanah Kongpi puah uh hi; amaute in a zawlte khungin a kongkhakte a kalhnate tawh bulh uh hi. \v 7 Amaute’ zomah Gibeon leh Mizpah khuami ahi, Gibeon mi Melatiah leh Meronoth khuami Jadon in Eufrates Gungal gam a uk sawnpa’ zum dong puah uh hi. \v 8 Tua zomah khamseekpa Harhaiah’ tapa Uzziel in puah hi; a zomah paknamtui bawlpa Hananiah in puah hi; amaute in Kulh Zai ciang dong a ngeina bangin Jerusalem bawlkik uh hi. \v 9 Amaute’ zomah Jerusalem gam phel khat a uk, Hur tapa Refaiah in puah hi.
10 A zomah Harumaf tapa Jedaiah in ama inn mai san teng puah hi; tua ciangin a zomah Hashabneiah’ tapa Hattush in puah hi.
11 Harim’ tapa Malkhijah leh Pahathmoab’ tapa Hasshub in Meikhuk Tausang a huam khawk dang khat sung puah uh hi.
12 Amaute’ zomah Jerusalem gam a phel khat a uk Hallohesh’ tapa Shallum in a tanute tawh puah uh hi.
13 Hanun leh Zanoah khua-a teeng mite in Kuam Kongpi puah uh hi; amaute in tua kongpi bawl pha-in a kongkhakte a kalhnate tawh bulh uh a, Nin Kongpi ciang dong tong tul khat sung kulh puah uh hi.
14 Bethhakkherem gam a uk, Rekhab’ tapa Malkhijah in Nin Kongpi puah hi; amah in tua kongpi bawl pha-in a kongkhakte a kalhnate tawh bulh hi.
15 Mizpah gam a uk, Kolhozeh’ tapa Shallum in Tuinak Kongpi puah hi; amah in tua kongpi bawl pha-in a kongkhakte a kalhnate tawh bulh hi; tua ciangin amah in kumpipa’ huan gei-a Shelah Bual a kulh ciang a, David Khuapi pan-a hong paisuk kahlei ciang dong sem hi.
16 Ama zomah Bethzur gam phel khat a uk, Azbuk’ tapa Nehemiah in David’ han san ciang, a kibawltawm bual leh Galkap Inn ciang dong puah hi.
17 Ama zomah a puah Levi mite in: Bani’ tapa Rehum; ama zomah Keilah gam phel khat a uk Hashabiah in ama gam taangin puah hi.
18 Ama zomah a puah a behte in: Keilah gam a phel khat a uk, Henadad’ tapa Bavvai in puah hi;
19 a zomah Mizpah gam a uk Jeshua’ tapa Ezer in a Kiu-a galvan koihna kahtohna san khawk khat puah hi. \v 20 Ama zomah Zabbai’ tapa Baruk in a Kiu panin siampi lian Eliashib’ inn kongkhak ciang dong khawk khat sung puah hi. \v 21 Ama zomah Hakkoz’ tapa Uriah, a tapa Meremoth in Eliashib’ inn kongkhak panin Eliashib’ inn mong ciang dong khawk khat sung puah hi. \v 22 Ama zomah Jerusalem kiim nai-a om siampite in puah uh hi. \v 23 A zomah Benjamin leh Hasshub in amau’ inn mai san puah uh hi. A zomah Ananiah’ tapa Ma-aseiah, a tapa Azariah in ama inn gei san teng puah hi. \v 24 Ama zomah Henadad’ tapa Binnui in Azariah’ inn panin a Kiu, \v 25 leh kulh kiu ciang khawk khat sung puah hi. Uzai’ tapa Palal in a Kiu gal san teng leh kumpipa’ inn panin hong dawk khia, zum cingte’ omna ahi tausang tungnung teng puah hi. \v 26 Amah zomah Parosh’ tapa Pedaiah leh Ofel mualtung a teeng biakinn nasemte in nisuahna lam manawhin Tui Kongpi gal san ciang leh tausang dawk puah hi. \v 27 Ama zomah Tekoa khuamite in a lian tausang dawk panin Ofel mualbo kulh ciang, khawk dang khat sung puah uh hi.
28 Sakol Kongpi tung san teng ahih leh siampite in amau’ inn mai san ciat puah uh hi. \v 29 Amaute’ zomah Immer’ tapa Zadok in ama inn mai san puah hi. Ama zomah Nisuahna Kongpi a cing, Shekaniah’ tapa Shemaiah in puah hi. \v 30 Ama zomah Shelemiah’ tapa Hananiah leh Zalaf tapa gukna Hanun in khawk dang khat sung puah uh hi. Amau zomah Berekhiah’ tapa Meshullam in ama inndei mai san teng puah hi. \v 31 Ama zomah khamseekpa Malkhijah in Kikaihkhopna Kongpi mai san-a om biakinn nasemte’ inn leh sumbukte’ inn ciang, leh a kiu-a inndei tungnung ciang dong puah hi. \v 32 Tua ciangin khamseekte leh sumbukte in a kiu-a inndei tungnung leh Tuu Kongpi kikal puah uh hi.