52
1 Zedekiah kumpi a suahin kum sawmnih leh kum khat a pha a, Jerusalem khua-ah kum sawm leh kum khat sung a maang hi. A nu’ min Hamutal hi a, Libnab khua-a teeng Jeremiah’ tanu ahi hi.
2 Amah in Jehoiakim kumpipa mah bangin Pasian’ hoih sak lohte hong sem hi.
3 Topa in Jerusalem khua leh Judah mite ama’ kiang panin a hawlkhiatna zah ding dongin a hehna a lian hi.
Zedekiah kumpipa in Babilon kumpipa a langpan’ hi. \v 4 Tua ciangin amah kumpi a suah zawh a kum kua kum, a kha sawmna, a ni sawm ni-in Babilon kumpipa Nabukhadnezzar in a galkap khempeuh tawh Jerusalem khua sim dingin hong kuan uh a, khuapi kimkotah galdalna a phut uh hi. \v 5 Zedekiah kumpipa a maan’ zawh kum sawm leh kum khat a phak dong khuapi a kisim hi. \v 6 A kha lina, a ni kua ni ciangin khuapi sungah kial nasia lua ahih manin, mite in an nek ding nei nawn lo uh hi. \v 7 Tua ciangin khua kulhpi kiphutlet a, khuapi kimkotah Khaldea mite om napi-in, galkapte in zan laitak-in kumpipa’ huan gei-a kulh tegel kikal-a kongpi tawnin a taikhia sim uh a, Arabah leizang lam a manawh uh hi. \v 8 Ahih hangin Khaldea galkapte in Zedekiah kumpipa a nungdelh uh a, Jerikho leizang-ah a phak uh ciangin a galkap khempeuh in kikhen thangin amah a taisan uh hi. \v 9 Tua ciangin amaute in kumpipa a mat khit uh ciangin Hamath gam Riblah khua-ah Babilon kumpipa kiangah a puak uh a, amah in thukhenna a pia hi.
10 Riblah khua-ah Babilon kumpipa in Zedekiah’ muh mahin a tate a thahlup sak a, Judah gam kumpi ulian khempeuh zong a thatlum hi.
11 Babilon kumpipa in Zedekiah’ mittang a khelsak khit ciangin kol a bulh a, Babilon khuapi-ah paipihin a sih mateng thong sungah a koih hi.
12 Babilon kumpipa Nebukhadnezzar a maan’ zawh kum sawm leh kum kua a phak kum, a kha ngana, a ni sawm ni-in Babilon kumpipa a cing galkap mangpa Nebuzaradan, Jerusalem khua sungah hong lut hi.
13 Amah in Topa’ biakinnpi akipan kumpipa’ inn leh Jerusalem khua-a inn lian khempeuh a hal hi.
14 Amah tawh a omkhawm Khaldea galkap khempeuh in Jerusalem khua kimkot a, kulh khempeuh a susia uh hi.
15 Kumpi cing galkap mangpa Nebuzaradan in, mizawngpen pawlkhat tawh, khuapi sunga a kinusia lai mite tawh, Babilon kumpipa’ lam-a tai mite tawh, khutsiam mi a om lai teng tawh sal dingin a paikhiat pih hi.
16 Ahih hangin kumpipa a cing galkap mangpa Nabuzaradan in leenggah lo cing ding leh lokho dingin gam sunga a zawngpente pawlkhat a nusia lai hi.
17 Khaldea mite in Topa’ biakinnpi sunga a om sumngo khuamte, sumngo tuikuang leh a din’nate suzangawp uh a, sumngo khempeuh Babilon-ah a la uh hi.
18 Tua banah, biak piakna-a kizang belte, vut luahnate, taitehte, kuangte, sikkeute leh biakinn kikhopna-a kizang sumngo tawh a kibawl kuangte khempeuh zong a la uh hi.
19 Biak piakna-a kizang keu neute, meiam luahna kuang daite, kuangte, belte, khuaimeivak vakna khuamte, sikkeute leh tui buah nadinga kizang keute zong a la uh hi, Kham tawh a kibawl nate kham dingin ahi zongin, ngun tawh a kibawl nate ngun dingin ahi zongin kumpi cing galkap mangpa in a lakhia hi. \v 20 Solomon kumpipa in Topa’ biakinnpi adingin a bawl khuampi nih kuangpi khat leh tua nuai-a a pua, sumngo bawngtal sawm leh nih leh a din’nate sunga om sumngote a gihna kiteh zo lo hi. \v 21 Tua khamte khat ciangin tong sawm leh tong giat sang a, a kimkot tong sawm leh tong nih pha a, a sahna zung li pha-in a sung hawm hi. \v 22 A tunglam tong nga ciang sumngo hi-in tua mun teng a kimkotah sumngo tawh a kibawl mangkawlsing lim a kisuai hi. \v 23 Mangkawlsing a vekpi-in a kimkotah zakhat om a, sawmkua leh guk bek kilang hi.
24 Kumpi cing galkap mangpa in siampi lianpenpa Seraiah tawh, siampi lian a nihna Zefaniah leh kongpi uk biakinn upa thum tawh a paipih a, \v 25 khuapi sung panin galkapte a uk galkapmang khat leh khua sunga a kimu kumpipa’ uliante sagih tawh, galkap zum lai a kem galkap mangpa’ lai-atpa tawh, a khua sunga kimu midang sawmguk tawh, khua sung panin a paikhiatpih hi. \v 26 Kumpi cing galkap mangpa Nebuzaradan in amaute paipihin Riblah khua-ah Babilon kumpipa’ kiangah a tun’pih hi. \v 27 Babilon kumpipa in zong Hamath gam Riblah khua-ah amaute sat-in a thatlum hi. Tu-a bangin Judah mite a gam panun sal dingin a kila khia hi.
28 Nebukhadnezzar in sal ding a, a paipih mi phazah in hih bang ahi hi: a kum sagih kumin Judah mi tulthum sawmnih thum, \v 29 a kum sawm leh giat kumin Jerusalem khua panin Nubukhadnezzar in mi zagiat sawmthum-nih sal dingin a paipih a; \v 30 Nebukhadnezzar a maan’ zawh a kum sawmnih leh thum kumin kumpi cing galkap mangpa Nebuzaradan in sal dingin Judah mi zasagih sawmli-nga a pai khiatpih hi. A vekpi-in mi tulli leh zaguk a pha hi.
31 Judah kumpipa Jehoiakhin a saltan’ zawh kum sawmthum leh sagih kum ciangin Babilon-ah Evil-merodak kumpi a suak hi. Tua kumpipa in Judah kumpipa Jehoiakhin hehpih a, tua kum kha sawm leh kha nihna, ni sawmnih leh ni nga ni-in thong sung panin a suakta sak hi. \v 32 Hoih takin a hopih a, Babilon khua-a a ompih kumpi dangte sangin a sangzaw tutna a pia hi. \v 33 Tua ahih manin Jehoiakhin in a thong puante a suahkhia hi. A nuntak hun sung teng khempeuh kumpipa’ sabuai-ah ni simin an a ne hi. \v 34 A sih ni a tun’ mateng a nuntak hun sung tengin ni simin a kisapna bangin kumpipa in a pia tawntung hi.