LATE 9
A Manin Pasian’ Thukhenna Hangin Lungdamna
1 Ka lungsim khempeuh tawh
Topa tungah
lungdamna kong ko dinga,
na bawl a lamdangte khempeuh
ka gen ding hi.
2 Nangma hangin nuamin
ka diang dinga,
na min phatna ka sa ding hi,
3 Ka galte a nungkik ciangin,
nangma mai-ah
amaute pukin kisia uh hi.
4 Bang hang hiam cih leh keima
thutanna na hong kipsak a,
tokhom tungah tu-in
5 Minamte na taii a,
migilote na susia hi.
A mai mang dingin
amau’ min na phiat hi.
6 Siat denna sungah
galte bei mang hi.
A khuate uh na zunglot a,
amaute kiphawkkha nawn lo hi.
7 Topa ahihleh
kumpi za-ah tu ngitnget a,
thukhen nadingin
a tokhom a bawl hi.
8 Leitung mite’ thu
a mantakin khen a,
a kilawm bangin
9 Topa pen, netniamna a thuakte
adingin munkip hi a,
haksat hun ciangin
munmuanhuai ahi hi.
10 Topa aw, nang a hong zongte
nusia lo na hih manin,
na min a theite in
11 Zion-ah a om Topa phatna la sa un!
Ama nasepnate mite’ lakah gen un!
12 Bang hang hiam cih leh
mi thahna a hua pa in
amaute phawk a,
a thuak mite’ awging
13 Ka tungah hong dik in, Topa!
Sihna pan hong hon khia pa aw,
kei hong mudahte’ hangin
keima gim thuaknate
hong en inla,
14 nangmah a hong kiphatnate
phawkkikkik inla,
na hong hotkhiatna hangin
Jerusalem khua sungah
ka nuamna ka gengen ding hi.
15 Amau’ bawlsa gum sung mahah
minamte kiasuk uh a,
a ngenthang siahna uhah
amau’ khe mah a awk hi.
16 Topa in thu hong khenin
migilote amau’ nasepna mahah
awksakna tawh amah hong kilang hi.
17 Pasian a mangngilh
minam khempeuh sung panin
migilote,
Leinuai-ah pai ding uh hi.
18 Bang hang hiam cih leh
mi cimawhte kimangngilh
den lo dinga,
mizawngte’ lametna
19 Tho in, Topa! Mi kizosak ke’n;
na mai-ah minamte sam inla,
amaute’ tungah thu khen in!
20 Amaute lausak in, Topa!
Mi ahih lelna uh
minamte theisak in!