LATE 83
Pasian in Israel-te’ Galte A Suksiat ding Ngetna
1 Pasian aw, dai dide-in om kei in.
Lungnuamin, tang loin
ommawk kei in, Pasian aw.
2 Bang hang hiam cih leh
na galte in gamlumna piangsak uh a,
nang hong mudahte
kiphasak mahmah uh hi.
3 Amaute in khem siamna tawh
na mite thangsiah uh a,
amaute in na it mite
langpangin thu kikum uh hi.
4 Amaute in, “Hong pai un,
minam khat hihna panin
amaute beisak ni.
Israel min peuhmah
kiphawksak nawn kei ni!” ci uh hi.
5 Amaute in siatna ding geelin
kithukhat uh a,
nangmah hong langpangin
thuciamna a bawl uh hi.
6 Edom mite le Ishmael mite,
Moab le Hagri mite,
7 Gebal, Ammon le Amalek mite,
Filistia le Taia khua mite tawh
thuciam a bawl uh hi.
8 Assiria mite in zong
amaute pawlpih uh a,
amaute pen Lot’ suanlekhakte adingin
pawl muanhuaite ahi uh hi.
9-10 Endor munah a kizo gawp,
leilakah a luang uh a muat gawp,
Midian mite’ tungah na bawl bang leh,
Kishon gun-a Sisera le
Jabin-te’ tungah na bawl bangin
amaute tungah bawl in.Ref 83:9 Thkn 4:6-22; 7:1-23.
11-12 “Pasian’ gam hoihte
eima tan dingin la ni,”
a ci Oreb le Zeeb-te bangin
amau’ miliante bawl inla,
Zeba le Zalmunna-te bangin
amau a ukte khempeuh bawl in.Ref 83:11 Thkn 7:25; 8:12.
13 Ka Pasian aw, amaute pen
pingpei sunga ninnen,
huih mai-a ansi leeng bangsak ta in.
14 Mei in gamlak a haltum bang,
mualliante a kuansak bangin
15 na khuapi huihpi tawh
amaute delh inla,
na huihpi tawh amaute lausak gawp in.
16 16
na min hong zontheih nadingin
amaute khempeuh
maizumna tawh kidimsak in.
17 Amaute maizumin lungkia densak inla,
a mindai-in siasak in.
18 18
leitung khempeuh ah
a Sangpenpa na hihna
amaute theisak in.