LATE 71
Puteek khat’ Thungetna
1 Topa aw, nang kong bel hi.
Kei hong zahhuaisak kei in.
2 Na thumanna tawh
kei hong huh inla,
hong hon khia in.
Keima lamah na bil hong ngat inla,
hong hon in.
3 Hong hon dingin ka belh suangpi,
ka kulh muanhuai, hong hi ta in;
bang hang hiam cih leh
keimah hong honpa le
4 Ka Pasian aw,
migilote’ khut sung pan le
thuman lo mite le
migilote’ matna panin
keimah hong hon in.
5 Bang hang hiam cih leh
Topa Pasian aw,
ka neu lai a kipanin ka hong lamet,
ka hong muan na hi hi, Topa aw.
6 Ka suah tung a kipanin
nangmah kong bel a,
ka nu’ gil sung panin
hong la khia pa na hi hi.
Nangmah kong phat ngitnget hi.
7 Mi tampite adingin
a siahil bang ka hih hangin
nang pen a muanhuai,
keima belh na hi hi.
8 Sunthapai-in
nangmah kong phat a,
na minthanna ka gen tawntung hi.
9 Ka teek hun ciangin
kei hong lawn khia kei inla,
ka tha a kiat ciangin
kei hong nusia kei in.
10 Bang hang hiam cih leh
ka galte kihoho-in,
keimah hong thahnopna thu
kikumkum uh hi.
11 “Pasian in amah nusia zo a,
amah a hon ding
kuamah om lo ahih manin,
amah delhin man ni,” kici uh hi.
12 Pasian aw, kei kiang panin
gamla om kei in.
Ka Pasian aw, keimah a huh dingin
hong manlang in.
13 Kei hong mawhsakte
zahhuai-in bei mang uh henla,
keima siatna ding a zongte
simmawhna le minsiatna in
tuamcip tahen.
14 Ahih hangin ke’n,
nang kong lamen dinga,
nangmah
kong phat semsem lai ding hi.
15 Thuman tawh na hotkhiatna
na nasepnate
sim zawh lohin tam ahih manin
sunthapai-in ka gengen ding hi.
16 Topa Pasian aw,
na nasep liante ka phat dinga,
na thumanna bek genin
17 Pasian aw,
ka khangno lai a kipanin
nong thuhilh a,
a lamdang na nasepnate
ka gengen lai hi.
18 Tua ahih ciangin Pasian aw,
hong piang lai ding
mite khempeuh tungah
nangma hatna thu
ka gen khit matengin,
teekin ka sam a kang zongin
19 Pasian aw, na vangliatna le
na thumanna in
van sangpite banto hi.
Pasian aw,
na lianpipi na sem khinzo hi.
Nang tawh a kibang
kua om ahi hiam?
20 Gimna lianpipi
a hong tuaksak nangmah in
kei nong hingkiksak dinga,
lei thukpi sung panin
nong la khiato ding hi.
21 Nangmah in ka min hoihna
nong khangsak dinga,
22 Ka Pasian aw,
na thumannate hangin
kei zong harp lasakna tawh
nangmah kong phat ding hi.
Israel-te’ Siangtho Pa aw,
laiza lasakna tawh
nangmah phatna ka sa ding hi.
23 Nangmah phatna ka sak ciangin
nuamin ka awng dinga,
na hong hotkhiatna hangin
ka lungsim khempeuh tawh
nuamin ka awng ding hi.
24 Keima siatna ding a zongte
kizahhuaisak khin a,
minsia khinzo ahih manun
thuman tawh na hong huhna
sunthapai-in ka gengen ding hi.