LATE 62
Pasian’ Hut ding Muanna
1 Dai dide-in
Pasian bek ka ngak a,
ama hong hotkhiat ding
muangin ka om hi.
2 Kei hong huhpa le hong honpa
amah bek hi a,
ka guallel ngei kei ding hi.
3 Note khempeuh in
kawm a hoi tawh a kibang,
gawl bangin a kiliing mi khat
a susia dingin
bang tanvei hih huan nilohin,
susia ding na hi uh hiam?
4 Amah a zaliatna panin
sukniam ding bekbek
amaute in a sawm uh hi.
Amaute in thuman lo-ah
nuamsa mahmah uh hi.
Amaute in a kampi uh tawh
phat khem uh a,
ahih hangin a sungtawng uhah
5 Amah bek ka muan ahih manin,
daitakin Pasian bek ka ngak hi.
6 Kei hong hupa le hong honpa
amah bek mah hi a,
ka guallel ngei kei ding hi.
7 Keima suahtakna le
ka minphatna Pasian’ hang ahi hi.
A muanhuai ka belh pa,
8 Mite aw,
amah muang tawntung unla,
na lungkhamna teng uh
ama tungah gen un.
Pasian, eite’ bukna ahi hi.
9 Mihingte ahihleh
husan bang bek hi a,
a lian a neu kibang lel hi.
Tawi a kikhai ciangin
amaute in leek lo uh a,
amaute a kigawmin
husan sangin zang zaw hi.
10 Zawhthawh thu tawh ngahna
muanin nei kei inla,
suh gawpnate lametin nei kei in.
Na hauhna a khan leh,
11 Vangliatna pen keima a’ hi,
ci-in Pasian in a genna
ka zak ngeingeisa ahi hi.
12 Topa aw, itna kip nangma a’ ahi hi.
Bang hang hiam cih leh
a sepna bang ciatin
mite na thuk hi.Ref 62:12 Job 34:11; Jer 17:10; Mat 16:27; Rom 2:6; Mang 2:23.