LATE 43
Biakinn-ah Ciahkik ding Lamenin Thungetna
1 Pasian aw,
ka dikna hong langsak inla,
migilote tawh ka thu-ah
kei hong panpih in.
Mi khemte le thutang lote
kiang panin kei hong hon khia in.
2 Bang hang hiam cih leh
ka hong belh Pasian na hi hi.
Bang hangin
kei hong nil khia na hi hiam?
Galte’ sukcip manin
bang hangin kapin
3 Na khuavak le na thuman
hong sawl khia inla,
na mual siangtho, na omna-ah
kei hong paipih sakin,
hong khasak in.
4 Tua ciangin na biakna tau-ah ahi a,
ka lung a hong damsak
Pasian kiangah
ahi zongin ka pai dinga,
laiza khausai lasakna tawh
nang kong phat ding hi,
5 Bang hangin kha kunkun a,
lunghimawh niloh ka hi hiam?
Pasian sungah lametna nei ning;
bang hang hiam cih leh
kei a hong huh ka Pasian
ka phatkik ngawn ding hi.