LATE 17
Bawlsiate kiang panin Hotkhiat ding Ngetna
1 Topa aw, thuman ka hong ngetna
hong za inla, ka otna hong ngai in!
Lungsim takpi tawh
ka hong thungetna hong ngai in!
2 Thuman mu na hih manin
ka dikna hong kilangsak in.
3 Keima lungsim hong sin inla,
zan hun sungin
ka kiangah hong hawh inla,
keimah hong ze-et lecin,
ka sungah gitlohna
na mu kei ding hi.
Ka kampau-in zong
bangmah ka khial kei hi.
4 Gamtatna thu-ah ci leng,
nangma thupiaknate ka zui a,
mi ngongtatte’ gamtat ziate
ka pelh hi.
5 Nangma lampi zui-in ka pai a,
na lam ka pial ngei kei hi.
6 Pasian aw, hong dawng ding
na hih manin nang kong sam hi.
Na bil hong ngat inla,
ka thu hong za in.
7 Amau’ galte’ kiang panin
nang hong belte a honpa aw,
na itna kip lamdang takin
8-9 Kei a hong su gawp migilo,
kei a hong umcih
a kihtakhuai mahmah
ka galte kiang panin
mitnauta bangin hong kem inla,
na kha liimah hong seel in.
10 Amaute in hehpihna lungsim
bangmah nei lo uh a,
a kam uh tawh
amaute kiphatsak pau uh hi.
11 Amaute in kei hong sulzuih uh a,
tu-in kei hong umcihin,
keimah leilak den nadingin
a hong en uh hi.
12 Amaute pen a balnen nuam
humpinelkai tawh kibang uh a,
humpinelkai khanglai
13-14 Topa aw, tho in!
Amaute maiphut inla,
thalpaih in!
Topa aw, a deih khempeuh uh
hih leitungah
a nei migilote kiang panin
na khut le na namsau tawh
kei hong hon khia in.
Amau adingin na koihcing
gimnate thuaksak inla,
a tate un zong
a cingvalin thuak uh henla,
a naungekte uh ading nangawn
15 Kei ka hih leh,
thumanna tawh na maitang
ka en dinga,
ka khanlawh ciangin
nangma mel muhna tawh
ka lungkim ding hi.