LATE 146
Pasian, Mite A Huh, A Lianpa
1 Topa phat un.
Ke’n, Topa ka phat ding hi.
2 Ka hin laiteng Topa ka phat dinga,
ka nuntak laiteng ka Pasian’ tungah
3 Huhna a hong pia thei lo uliante ahi a,
mi mawkmawkte ahi zongin
muang kei un.
4 A husanna a bei ciangin
lei-ah ciahkik uh a,
tua ni mahmahin
a ngaihsutnate uh beita hi.
5 Jakob’ Pasian pen amah huhpa hi-in,
ama Topa Pasian a muang mipa
mi lungdam ahi hi.
6 Amah in van le lei,
tuipi le tuate sungah
a om khempeuh bawl a,
a tawntungin thuman hi.Ref 146:6 Sawl 4:24; 14:15.
7 A kinengniam mite adingin
thumanna sem khia a,
Topa in thongkiate a khah khia hi.
8 Topa in mittawte khua a musak hi.
Topa in niamsakna a thuak mite
sangtosak a,
Topa in thuman mite a it hi.
9 Topa in peemtate kem a,
meigong numeite le pa nei lote a huh hi.
Ahih hangin amah in
migilote’ vaihawmna a suksiatsak hi.
10 Zion aw, nangma Pasian Topa in
khang tawntungin uk ding hi.
Topa phat un.