LATE 128
Mipha Innkuan Sunga Thupha
1 Topa zahtakin
ama thu a zui mi khempeuh
2 Na khut tawh na sep thaman na ne dinga,
na lungdamin na maavang ding hi.
3 Nangma inn sungah na zi,
a gah pha mahmah
leenggui tawh kibang dinga,
na sabuai kiimah a tu na tate,
oliv no dawng hilhhelh tawh
kibang ding uh hi.
4 En un, Topa a zahtak mi
tua bangin thupha kipia ding hi.
5 Topa in Zion panin
nang thupha hong pia henla,
na nuntak sung tawntung
Jerusalem’ nopsakna mu ta in.
6 Na tute a mu dingin
hong siam tahen.
Israel tungah nopna om tahen!