LATE 111
Topa’ Liatna le A Hoihna
1 1
Lungsim thutangte a omna,
mihon kikhopna sungah
ka lungsim khempeuh tawh
lungdamna ka ko ding hi.
2 2
hoih a sa mi khempeuh in
tuate kankan uh hi.
3 Ama nasepnate, pahtawina le
minliatna tawh kidim a,
ama thumanna kip tawntung hi.
4 Amah in phawk tawntung dingin
a lamdang nasepnate hong bawl a,
5 Amah in amah a zahtakte an pia a,
a thuciamna a phawk tawntung hi.
6 Amah in ama mite tungah
minamte’ gamh a piakna tawh
ama vangliatna hong lak khin hi.
7 Ama nasepnate khempeuh ah
amah thumanin citak a,
a thupiaknate muantaak mahmah hi.
8 A tawntungin tuate kip ngitnget a,
thuman le thutang tawh
zuih ding ahi hi.
9 Amah in ama mite hon khia a,
a tawntung a kimang dingin
thupiakna a bawl khin hi.
Ama min siangtho-in
vanglian mahmah hi.
10 10
Ama thupiak a zuite khempeuh tungah
thukhen siamna a pia hi.
Amah phat tawntung ding ahi hi.Ref 111:10 Job 28:28; Pau 1:7; 9:10.