21
Babylon Gam tawh kisai Thu
1 Babylon gam tawh kisai thu hih bangin gen hi:
Leitaw lam panin
pingpei hong kipat mah bangin,
a lauhuai gam panin
siatna hong pai hi.
2 A kihtakhuai maangmuhna khat
kei tungah hong kigen hi.
A sut zo mipa in sut a,
a susia zo mipa in susia hi.
Elam galkapte aw, kuanto un.
Media galkapte aw, umcih un.
Babylon’ piansak khuisatnate khempeuh
3 Tua ahih ciangin ka kawng na a,
nausuak numei in
na a sak bangin na ka sa hi.
Khua a za thei lo zah dongin
a kuncipin ka om a,
khua a mu thei lo zah dongin
lungkia-in ka om hi.
4 Ka lung vai a,
launa in hong sidaangsak hi.
Keima lunggulh zan khuamial pen
5 Amaute in sabuai phahin,
sualpuante phah uh a,
an ne-in tui dawn uh hi.
Uliante aw, tho un;
6 Bang hang hiam cih leh
Topa in kei tungah:
“Pai in; galvil khat koih inla,
ama muh bangbang gensak in.
7 Amah in a kopkopin
sakol tung tuang mite,
la tunga a tuangte,
kalaoh tunga a tuangte a muh ciangin
limtak, phatakin
8 Tua ciangin a mu pa kiko a,
“Topa aw, tausang tungah
sun tawntung ka dinga,
ka vilna munah zan khuavak ka om hi.
9 En in, sakol tung tuangte
a kopkopin hong pai!” a ci hi.
Adang khat in,
“Babylon cim hi, cim hi.
A milim pasian-te khempeuh
leilak dongah amah in suksiatsak hi,”
ci-in a dawng hi.Ref 21:9 Mang 14:8; 18:2.
10 A kicilsa, a kiseepsa keima mite aw,
Israel-te’ Pasian,
Vanglian Topa’ tung panin
ka zaksa thu teng
note tungah kong gen hi.
Edom Gam tawh kisai Thu
11 Edom gam tawh kisai thu hih bangin gen hi:
Seir mual tung panin
khat in kei hong sam a,
“Galvil pa aw, tuzan bangci hiam?
Galvil pa aw, tuzan bangci hiam?”
hong ci hi.
12 Galvil pa keimah in,
“Zing ni hong suak a,
zan khua zong hong mial hi.
Thukan nuam na hih leh
hong paikik inla
hong kan in,” ka ci hi.
Arabia Gam tawh kisai Thu
13 Arabia gam tawh kisai thu hih bangin gen hi:
Dedan mi khualzin honte aw,
Arabia gamlakah na giak ding uh hi.
14 Tema gam a teeng mite aw,
a dangtakte tui puak unla,
galtaite an tawh dawn un.
15 Bang hang hiam cih leh amaute,
namsau, a kidoksa namsau,
a kikeek thal le gal in a phutna panin
a hong tai uh ahi hi.
16 Bang hang hiam cih leh Topa in keima tungah, “Thacial kum hunte mah bangin kum khat sungin Kedar mite’ minthanna khempeuh bei ding hi.
17 Kedar mi thaltawi siam a omlaite tawm ding hi. Bang hang hiam cih leh Topa, Israel Pasian in hih thu gen khinzo hi,” hong ci hi.