6
15 Kuama in Pathian min le eite hilcianna a sonsiat ngawl natu in, sila ahi theampo in a tote zatakna piak tu kilawm hi, ci in a ngaisut kul hi.
2 Tapidawte nei silate in a tote simmaw heak hen, banghang ziam cile, amate in unau khat ahi uh hi. Tua hi zaw ngawlin amate in a phazaw in na sepsak tahen, banghang ziam cile, phattuamna a ngate sia amate ii a it thu umte ahi hi.
A maan ngawl Hilna le A maan Haunate
Hi thute hilin na hanthawn in.
3 Ih Topa Jesus Christ ii thumaan kammalte le ih biakna ii hilna taw a kisi ngawl upna thubul tumdang a hil sia in
4 kiphatsakna taw a kidim hi a, bangma heak a nei bua hi. Ama in a pha ngawl kam kinialna le kihaunate kin a, tuasia in ki eenna, kikamtamna, kiselnona, thusia taw kimuanlaakna,
5 thumaan thutak nei nawn ngawl a, thinsung maan ngawlte ii kam kinialna te piangsak hi. Amate in biakna sia sumhau thei natu lampi khat in ngaisun uh hi.
6 Mihing khat in a nei pawpo taw a lungkim nale biakna paaina in ama sia sumhau mama pa a suaksak takpi ma ahi hi.
7 Hi leitung ah bang ih keng ziam? Bangma ih keng bua hi! Leitung panin bang ih pusuapui thei tu ziam! Bangma ih pusuapui thei buatu hi!
8 Tua ahiciang eite in anneak le puansilh ih nei le, eite atu in a kicing hi tu hi.
9 Ahihang sum a hau nuam mihingte sia ze etna thuakin, a mawmawthuai le siatna a piangsak thei deinate ii thaang sungah awk a siatna le lalna nga uh hi.
10 Sum dei leilamna in siatna namcin ii a naak khat ahi hi. Pawlkhat in sum dei leilam ahikomin, upna pan pialin heena thinngimna tam mama thuak uh hi.
Aituam Lamlakna
11 Ahihang Pathian mihing ahi nangma in hite theampo na pial in. Thumaan thutanna, Pathian thu sungah nopsakna, upna, itna, thuak zawkna, ciknate na nei zawk natu hanciam in.
12 Upna tai kidemna sungah na hi thei tawpin tai in a, tuaciang nangma atu in tawntung nuntakna na sungsuam in; banghang ziam cile tetti tam mamate mai ah na upna kho takin na pualaak ciang hi nuntakna ah Pathian in nang hong sam ahi hi.
13 Na theampo nuntakna a pia Pathian mai le Pontius Pilate mai ah a upna kho takin, a pualaak Christ Jesus mai ah, nangma thu kong piakna panRef 6:13 Jn 18:37
14 ih Topa Jesus Christ hong kilak kik Ni matengin, nang hong thupiaknate zui in thumaanna taw na keamcing in.
15 Kumpite ii Kumpi, topa te ii Topa, thupha sang Ukpa khat bek ahi Pathian in a hun a tun ciangin ama hong kilanghsak tu hi.
16 Ama bek thi maw a; kuama in a nai a neak thei ngawlna khuavak sungah teang hi. Kuama in ama mu ngeingawl a; kuama in ama mu thei ngeingawl tu hi. Ama ii tungah zatakna le tawntung ukzawkna om tahen! Amen.
17 Hi nuntakna sungah a kizangh nate hauna taw a kiphatsak ngawl natu, tuabang a kho ngawl haunate tungah lametna koi ngawlin, ih nopsak natu a, na theampo ngo takin hong pia Pathian tungah lametna koi vun ci in a haute tungah na hil in.
18 Nasep pha te hau a, a pha ngamtatna nei in, a sep natu, ngo takin midangte na a hop nop natu hil in.
19 Tu bangin maisang ah a kip doppha khat a suak tu sumngumte amate atu in a khol tu uh hi. Tua hile amate in nuntakna maan tatak a nei zo hong hi tu hi.
20 Timothy awng, nangma khut sungah muanna taw hong ki aapte pha takin keamcing in. Pawlkhatte ii “Heakna” ci in, a min a vaw khial, a kiihuai kampauna le mawmawt kam kinialnate na pial in.
21 Banghang ziam cile mihing pawlkhatte in tua heakna ka nei uh hi, ci in kisuangtaak uh a, tua hu in a upna lampi bo sua uh hi.
Pathian ii thuthiamna in note theampo tungah om tahen.