2
Judah ii Suan le Paalte
1 Jacob in tapa sawm le nii nei hi: Reuben, Simeon, Levi, Judah, Issachar, Zebulun,
2 Dan, Joseph, Benjamin, Naphtali, Gad le Asher te hi.
3 Judah in tapa a vekpi nga nei hi. Canaan numei a zi Bathshua taw tapa thum nei hi: Er, Onan le Shelah te ahi uh hi. A tapa lianbel Er sia ngilo lei ahikom Topa in that hi.
4 A monu Tamar taw Judah in tapa nii nei thua a, Perez le Zerah ahi uh hi.
5 Perez in tapa nii nei a Hezron le Hamul ahi uh hi.
6 A suapui pa Zerah in tapa nga nei hi: Zimri, Ethan, Heman, Calcol le Darda ahi uh hi.
7 Zerah ii suan le paalte khat ahi Carmi ii tapa Achan in Topa atu a ki aapsa ngal sung pan a kilaak vanhte a kep manin Israel mite tuasiatna thuaksak hi. Ref 2:7 Jos 7:1
8 Ethan in tapa khat nei a, Azariah ahi hi.
David Kumpipa ii Innkuan Khangsimna
9 Hezron in tapa thum nei hi: Jerahmeel, Ram le Caleb ahi uh hi.
10 Ram khang panin Jesse khang dong sia a nuai a bang ahi hi: Ram, Amminadab, Nahshon Judah nam sung pan a minthang khat
11 Salmon, Boaz,
12 Obed le Jesse te hi.
13 Jesse in tapa sali nei hi. A lianbel pan a nobel ah: Eliab, Abinadab, Shammah,
14 Nethanel, Raddai,
15 Ozem le David te hi.
16 Ama in tanu nii zongh nei in, Zeruiah le Abigail te hi.
Jesse ii tanu Zeruiah in tapa thum nei hi: Abishai, Joab le Asahel te hi.
17 A tanu dang ahi Abigail in Ishmael ii suan ahi Jether teenpui a, amate in Amasa kici tapa khat nei hi.
Hezron ii Suan le Paalte
18 Hezron ii tapa Caleb in Azubah teenpui a, Jerioth kici tanu khat nei hi. Tua nu in tapa thum nei hi: Jesher, Shobab le Ardon te hi.
19 Azubah a thi zawkciang Caleb in Ephrath teenpui a, Hur kici tapa khat nei hi.
20 Hur ii tapa sia Uri hi in, a tupa sia Bezalel ahi hi.
21 Heron in kum 60 a phak ciang Machir ii tanu, Gilead ii suapuinu teenpui hi. Amate in Segub kici tapa khat nei a,
22 Segub in Jair kici tapa khat nei hi. Jair in Gilead ngam ah khuapi 23 uk hi.
23 Ahihang Geshur le Aram kumpi ngamte in tua munah khua 60 zothal a, tuasung ah Jair le Kenath khuanote le a kiim a khuate kihel hi. Tua munah a teang mite theampo sia Gilead ii pa Machir ii suan le paalte ahi uh hi.
24 Hezron thi zawkciang a tapa Caleb in a pa ii zi meingongnu Ephrath teenpui hi. Amate in Ashhur kici tapa khat nei a, Ashhur sia Tekoa khua saatpa ahi hi.
Jerahmeel ii Suan le Paalte
25 Hezron ii tapa lianbel Jerahmeel in tapa nga nei hi: a lianbel sia Ram hi a, Bunah, Oren, Ozem, le Ahijah te hi.
26-27 Ram in tapa thum nei hi: Maaz, Jamin le Eker te ahi uh hi. Jerahmeel in Atarah kici zi dang khat nei a, amate in Onam kici tapa khat nei hi.
28 Onam in tapa nii nei a, Shammai le Jada te ahi uh hi. Shammai zongh in tapa nii nei a, Nadab le Abishur te hi.
29 Abishur in Abihail kici numei khat teenpui in tapa nii, Ahban le Molid nei uh hi.
30 Abishur ii suapuipa Nadab in tapa nii Seled le Appaim nei a, ahihang Seled sia tapa nei ngawlin thi hi.
31 Appaim sia Ishi ii pa hi a, Ishi sia Sheshan ii pa hi in, Sheshan sia Ahlai ii pa ahi hi.
32 Shammai ii suapuipa Jada in tapa nii, Jether le Jonathan nei hi, ahihang Jether sia tapa nei ngawlin thi hi.
33 Jonathan in tapa nii, Peleth le Zaza nei hi. Hite theampo sia Jerahmeel ii suan le paalte ahi uh hi.
34 Sheshan in tapa nei ngawlin, tanu bebek nei hi. Ama in Egypt mi Jarha kici naseam khat nei a,
35 tuasia pa le a tanute khat teangsak hi. Amate in Attai kici tapa khat nei hi.
36 Attai khang pan Elishama khang dong sia a nuai a bang ahi hi: Attai, Nathan, Zabad,
37 Ephlal, Obed,
38 Jehu, Azariah,
39 Helez, Eleasah,
40 Sismai, Shallum,
41 Jekamiah le Elishama te hi.
Caleb ii Suan le Paal A dangte
42 Jerahmeel ii suapuipa Caleb ii tapa lianbel sia Mesha kici hi. Mesha sia Ziph ii pa, Ziph sia Mareshah ii pa, Mareshah sia Hebron ii pa ahi hi.
43 Hebron in tapa li nei hi: Korah, Tappuah, Rekem le Shema te ahi uh hi.
44 Shema sia Raham ii pa hi a, Jorkeam ii pu ahi hi. Shema ii suapuipa Rekem sia Shammai ii pa hi.
45 Shammai sia Maon ii pa hi a, Maon sia Bethzur ii pa hi.
46 Caleb in Ephah kici zino khat nei a, tua nu taw tapa thum nei thua hi: Haran, Moza le Gazez te hi. Haran zongh in Gazez kici tapa khat nei hi.
47 Jahdai a kici pa in tapa luk nei hi: Regem, Jotham, Geshan, Pelet, Ephah le Shaaph te hi.
48 Caleb in zino dang Maacah nei in tua nu taw tapa nii nei a, Sheber le Tirhanah te hi.
49 Tua zawkciang tua nu in tapa nii nei thua a: Madmannah khua saat pa Shaaph; Machbenah le Gibea khua saat pa Shevah ahi uh hi.
Caleb in Achsah kici tanu khat nei thua hi.
50 A nuai a teng zongh Caleb ii suan le paalte ahi uh hi.
Caleb le a zi Ephrath ii a tapa lianbel sia Hur hi. Hur ii tapa Shobal in Kiriath Jearim,
51 a tapa niina Salma in Bethlehem khua, tuaciang a tapa thumna Hareph in Bethgader khua saat tek hi.
52 Kiriath Jearim khua a saat Shobal sia Haroeh mite, Menuhoth ah a teangte a lang,
53 tuaciang Kiriath Jearim ah a teang a nuai a bee le phung teng: Ithri te, Puth te, Shumath te le Mishrai te ii taanghpupi hi. Zorah le Eshtaol khuapi mite sia hi bee le phungte ii mite hi.
54 Bethlehem khuasaatpa Salma sia Netophath, Atroth Beth Joab le Zor mite ii taanghpupi hi a, Zor te sia tua Manahath ah a teang bee le phung nam nii sung pan nam khat hi.
55 Jabez khua ah a nuai a lai at thiamte le laikuu thiam bee le phung teng: Tirath, Shimeath le Sucath te teang uh hi. Amate sia Rechab mite taw zi le pasal in a kiman Ken mite ahi hi.