Psalm Late 73
LAIBU A THUMNA
Pathian ii A maan Thutanna
1 Pathian in thinsung thiangtho a nei
Israel te atu in pha tatak hi.
2 Ahihang ka thinmuanna ka thasua dedek a;
ka upna bo dektak hi,
3 banghang ziam cile keima in mihing seksolte atu in
na theampo a dik veu in a pian ka mu ciangin a kiphasakte ka eang hi.
4 Amate in natna thuak ngawl a;
thahat in a ciidam uh hi.
5 Midangte bangin amate in thuak ngawl uh a;
ngualdangte ngim nga bangin amate ngim nga ngawl hi.
6 Tua ahikom amate in kiphatsakna sia khi bangin aw a,
ngoltolna sia puantual bangin sil uh hi;
7 amate thinsung in
ngitlona pusua in,
a thinsung uh sia
seksol tupnate taw komla uh hi.
8 Amate in midangte nuisan zazaan in kamsia veu pau uh a;
kiphasak in ngualdangte zawthawk sawm uh hi.
9 Amate in vantung ah a om Pathian sonsia in
leitung ah mihingte sia kiletsakna taw thupia uh hi,
10 tuabangin Pathian ii mihingte ngawngawn in amate sangah kiheak in
tuaciang amate son theampo a um papaih uh hi.
11 Amate in: “Pathian in he buan te;
A saangbel Pa in phawk buan te” ci uh hi.
12 Mihing seksolte in tuabang ahi uh hi.
Amate hau a, nga thawthua lai uh hi.
13 Tua ahile a thiangtho in kikeam a,
mawna ka vawt ngawl sia a luithawthong ahi tu ziam?
14 Pathian awng, nangma in nitangtumin nong thuaksak a;
zing simin daan nong pia hi.
15 Tuabangin kampau ka hi le,
na mite khat ii ngamtat tu bangin a kilawm in ngamta ngawl ka hi tu hi.
16 Hi thu haksa sia ngaisun tu in ka hanciam a,
17 ahihang na Biakinn sung ka tum mateng in, kei atu haksa lei hi.
Tua zawkciang mihing seksolte tungah
bang piang tu ci in ka tel hi.
18 Nangma in amate sia a naalna munah na koi tu a,
siatcipna sungah na liiksak tu hi.
19 Amate thakhat thu in kisusia in,
a kiitakhuai sungah bocip uh hi.
20 Amate sia zingsang a, a bo vangeu zanmang bang ahi hi;
nangma nong thaw tak ciang, Topa awng, amate mang vadi hi.
21 Ka ngaisutna a siat ciang le ka thin a nat ciang,
22 kei sia nganhingte bangin ka mawmaw hi;
nang kong tel bua hi.
23 Ahihang nang kungah a nai in kong om tawntung a,
nangma in ka khut panin nong len hi.
24 Nong hilnate taw lam nong lak a,
a tawpna ah nangma in upat minphatna taw nong saang tu hi.
25 Vantung ah nang simngawl bangdang ka nei ziam?
Nang kong nei zawk nungsang
leitung ah bangdang ka dei lai tu ziam?
26 Ka khua ngaisutna le ka pumpi thazawm tu hi.
Ahihang Pathian sia ka thahatna hi; a tawntungin ka kisap sia ama bekma ahi hi.
27 Nang hong taisante lalcip nanak tu a;
nang tungah hong thumaan ngawlte na susia tu hi.
28 Ahihang kei ka hile, Pathian nai ah ka om tu, Topa Pathian ka belh tu le
ama ii vawt sate theampo ka thansak tu sia