Psalm Late 71
Pasal Huai khat ii Thungetna
1 Topa awng,
kidalna nga natu in nang kong zuan zo hi;
lelna hong thuaksak ngei heak in!
2 Nangma in thutang na hikom hong hu ta'n a, hong suatak ta'n.
Kong ngetna hong ngai ta'n a, hong hun ta'n!
3 Kei atu in a muanhuai belna
mun le
kei hong dal tu a kho kulhpi
hong hi ta'n;
nangma in ka bukna le ka kihuukna na hi hi.
4 Ka Pathian awng, mihing tatsiate kung pan le,
mihing ngilote le a khansiate thahatna panin kei hong suatak ta'n.
5 Vaanglianpipa Topa awng, ka lametna sia nang sungah kong koi hi;
ka khanmoi hun lai pan kipanin nangma kong muang hi.
6 Ka khan tawntung nangma kong suang zo hi;
ka pian ni pan kipan nangma in nong hung nong dal tawntung zo hi.
A tawntungin nang kong pok tu hi.
7 Ka nuntakzia sia mihing tam mama ii ettee ahi hi,
banghang ziam cile nangma in a thahat hong hungpa na hi hi.
8 Nitangtum in nang kong pok a,
na minthanna ka thangsak hi.
9 Tu in ka khanhaam ciangin kei hong nial heak in a;
ka thatual ciangin kei hong nusia heak in.
10 Ka ngalte in kei hong thatlum nuam a;
amate in kikumin kei hong thasawm uh hi.
11 Amate in, “Pathian in ama nusia zo hi;
a nung pan zui in ama man tawng;
ama a hun tu kuama om ngawl hi,” ci uh hi.
12 Pathian awng,
tuaza a khuala na ah
om heak in ka Pathian awng;
kei hong hu tu in hong manlang ta'n!
13 Kei hong simte in lelna le
lalcipna thuak tahen.
Kei hong liamsua nuamte in
maizumna le minsiatna thuak tahen.
14 Ka lametna nang sungah kong koi tawntung tu a;
nang sia kong pok thawthua lai tu hi.
15 Na phatnate ka son tu a;
tua thu sia kei ii tel zawk zongh hi ngawl hi nave,
nitangtumin, na ngupna thu ka son tu hi.
16 Na vaangletna ka pok tu hi, Vaanglianpipa Topa awng;
nangma bek ii nei, na phatnate ka thangsak tu hi.
17 Ka khanmoi hun lai pan kipan nangma in nong hil zo a,
tu dong ma in a lamdang na septe ka son lai hi.
18 Tu in ka huai zo a ka puak zongh kaang zo hi.
Kei hong nusia heak in, Pathian awng!
hong pai pheang tu khang kikte tungah
na vaangletna le na thahatna
ka thansak laitakin keima taw hong omkhawm ta'n.
19 Pathian awng, thutang na hina in van ban hi.
Nangma in na liante na seam zo a;
nang taw a kibang kuama om ngawl hi.
20 Ngimna le thuaknate kei tungah nong tungsak zo hi,
ahihang nangma in ka tha ka ngal nong dim kik tu a;
thaankuul panin nong keam tu hi.
21 Nong liansak seseam tu a;
22 Tengtongh tumna taw nang kong pok tatak tu hi.
Na thu maanna kong pok tu hi, ka Pathian awng.
Israel te ii a Thiangtho Pa awng,
ka tengtongh tumin pokna la kong sak tu hi.
23 Tumtheite nang tungah kong tum ciangin
lungdamna taw ka au tu hi;
ka thin ka tak theampo taw la ka sa tu hi
banghang ziam cile nangma in nong hun zo hi.
24 Nitangtum in thutang na hina ka son tu hi,
banghang ziam cile kei hong vawtsia nuamte kizo thal zo a,